Шәрқий түркистан вәқпиниң 4-нөвәтлик омумий йиғинида йеңи рәһбәрлик һәйити сайлап чиқилди

Ихтиярий мухбиримиз әркин тарим
2014.12.16
Share on WhatsApp
Share on WhatsApp
Sherqiy-turkistan-weqpi-saylam-riyasetchi.JPG Шәрқий түркистан вәқпиниң 4-нөвәтлик омумий йиғини йеңи рәһбәрлик һәйити сайлаш йиғинидики риясәтчиләр. 2014-Йили 13-декабир, түркийә.
RFA/Erkin Tarim

Түркийәниң истанбул шәһиридә паалийәт елип бериватқан шәрқий түркистан вәқпиниң 4-нөвәтлик омумий йиғинида вәқипниң йеңи рәһбәрлик һәйити сайлап чиқилди. 12-Айниң 13-күни чүштин кейин истанбул университети түркият институтиниң залида өткүзүлгән йиғинға мәзкур вәқипниң рәһбәрлири, қурғучи әзалири қатнашти.

Шәрқий түркистан вәқпниң баш катипи өмәр қул әпәнди риясәтчилик қилған йиғинниң ечилиш нутқини вәқип рәиси әсәр сақа қилди. Йиғинниң күн тәртипи бойичә алди билән шәрқий түркистан вәқпи башлиқи әсәр сақа хизмәт доклати бәрди. У, хизмәт доклатида икки-үч йилдин бери вәқип бинаси ремонт қилиниватқан болғачқа һәр җәһәттин нурғун қийинчилиққа дучар болуватқанлиқини, әмма һәр җәһәттики бу қийинчилиқларға қаримай уйғур оқуғучиларға оқуш пули тепип бериватқанлиқини, “шәрқий түркистан авази” намлиқ журнални чиқириватқанлиқини ейтти. У, хизмәт доклатида икки йилдин бери түркийәниң истанбул, әнқәрә қатарлиқ шәһәрлиридә наһайити муһим йиғинларни чақирғанлиқини, түрк дуняси лобийчилик (сиясий вайизлиқ) мунбирини қуруп чиққанлиқини, шәрқий түркистан мәсилисини түрк сиясәтчиләргә вә түрк җамаәтчиликигә аңлитиш үчүн көп санда паалийәт елип барғанлиқини ейтти.

Шәрқий түркистан вәқпи баш катипи доктор өмәр қул әпәнди хизмәт доклатиға қошумчә қилип, вәқипни ремонт қилиш ишиниң пүтәй дәп қалғанлиқини, икки йилдин бери әйса йүсүпни хатириләш йиғини ачқанлиқини, намайишлар өткүзгәнликини, түркийәниң һәрқайси җайлирида, германийәниң 6 шәһиридә уйғурлар тоғрисида доклат бәргәнликини, вәқип намидин көп санда йиғинға қатнашқанлиқини, икки қетим уйғурларға иқамәт(туруш салаһийити) елиш хизмитини қилғанлиқини баян қилди.

У йәнә шәрқий түркистан вәқпиниң аз санда уйғур оқуғучиға оқуш мукапат пули бериватқанлиқини, бу санни көпәйтишкә тиришиватқанлиқини баян қилип өтти. Өмәр қул әпәнди доклатида шәрқий түркистанда мәйданға келиватқан вәқәләрни түрк җамаәтчиликигә аңлитиш үчүн давамлиқ һалда мәтбуат баянати елан қиливатқанлиқини тәкитлиди.

Өмәр қул әпәнди нутқиниң ахирида шәрқий түркистан вәқпигә иқтисадий җәһәттин ярдәм қилип келиватқан әркин алиптекин әпәндигә вә исмини ашкарилашни халимайдиған уйғурларға рәһмәт ейтти.

Арқидин мурат ахунбай шәрқий түркистан вәқпиниң икки йиллиқ малийә доклатини оқуп өтти. Арқидин шәрқий түркистан вәқпиниң 4-нөвәтлик омумий йиғининиң күн тәртипигә асасән әркин алптекинниң риясәтчиликидә сайлам өткүзүлди. Сайламда әсәр сақа шәрқий түркистан вәқпиниң рәисликигә қайта сайланди, шәрқий түркистан вәқпиниң муавин рәисликигә абдулхәмит авшар әпәнди, баш катиплиққа өмәр қул әпәнди, ғәзиничилик вәзиписигә муһиттин җануйғур әпәнди сайланди. Буниңдин башқа йәнә мәмәтҗан қәшқәрли әпәнди боғалтирлиқ вәзиписигә, мурат ахунбай билән тәбәт йүҗәтүрк әпәндиләр болса баш тәптишлик вәзиписигә сайланди. Йиғин ахирида сайланған рәһбәрләр тиләк вә арзулирини баян қилип өтти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.