Sherqiy türkistan ma'arip we hemkarliq jem'iyiti xizmet rohini kücheytishni tekitlendi

Ixtiyariy muxbirimiz arslan
2015-03-24
Share
Maarip-jemiyiti-yighini.jpg Sherqiy türkistan ma'arip we hemkarliq jem'iyiti xizmet rohini kücheytish yighinidin körünüsh. 2015-Yili 22-mart, istanbul.
RFA/Arslan

2015-Yili 22-mart yekshenbe küni merkizi istanbulgha jaylashqan sherqiy türkistan ma'arip we hemkarliq jem'iyitining uyushturushi bilen xizmet-pa'aliyetlerni aktiplashturush, yéngi pilan-layihe tüzüsh, pikir almashturush we teklip bérish toghrisida bir yighin uyushturuldi.

Sherqiy türkistan ma'arip we hemkarliq jem'iyetning zeytinburnu shöbisi uyushturghan bu yighin'gha jem'iyetning idare hey'et rehberliri, ezaliri, we jem'iyet tarmiqidiki shöbiler, teshwiqat, tetqiqat, neshriyat we ijtima'iy xizmet bölümliridiki mes'ul we xadimlar bolup köp sanda kishi qatnashti.

Yighin “Qur'an kerim” tilawet qilish bilen bashlandi. Yighinda jem'iyet re'isi hidayetulla oghuzxan söz qilip bu yighinni uyushturushtiki asasiy meqsitini bildürdi.

Hidayetulla oghuzxan sözide jem'iyetning her sahede küchlük bir teshkilatqa aylinishi üchün jama'etlishish éngini yétildürüsh kéreklikini, ezalar üchün diniy we siyasiy sahelerde mutexessislerni teklip qilip yighin uyushturush arqiliq bilim sewiyisini ashurush kéreklikini bildürdi.

Hidayetulla oghuzxan jem'iyetning teshkiliy apparatning asasini kücheytish üchün pütün ezalarning aktip bolushi, mes'uliyetchanliq bilen xizmetke teyyar turushi, xizmet pa'aliyetlerge waqit ajritishi kéreklikini tekitlidi.

Yighinda yene jem'iyetning bash mupettishi diniy alim abdulhekimxan mexsum söz qilip xizmet jeryanida özining ötmüshtiki bezi hayat tejribilirini sözlep ötti.

Abdulhekimxan mexsum sözide yene xizmet qilish üchün bilim-sewiyeni ashurush kéreklikini tekitlidi we mukemmel xizmet qilish üchün pidakarliq rohi we yétersizlikni toluqlaydighan bir ang bolghanda xizmetlerni toluq we mukemmel qilidighan sewiyige yetkili bolidighanliqini bildürdi.

Abdulhekimxan mexsum sözide yene, her bir jem'iyet ezasining her qandaq sahede mukemmel xizmet qilalaydighan sewiyige yétishi üchün munasiwetlik mutexessislerni teklip qilip kurs orunlashturush kéreklikini buning üchün idare jem'iyettin shara'it yaritilishi kéreklikini otturigha qoydi.

Yighinda asasliqi, jem'iyet ezalirining bélim sewiyisini ashurush, xizmet rohini östürüsh, aktipchanliqni kücheytish, teshkiliy apparatini chingitish toghrisida muhim teklip-pikirler otturigha qoyuldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet