Түркийә парламенти инсан һәқ вә һоқуқлири комитети мудири уйғур һәйәтни қобул қилди

Ихтиярий мухбиримиз әркин тарим
2016.06.21
insan-heqliri-kimititi-reisi-mustafa-yeneroghlu.jpg Түркийә парламенти инсан һәқ вә һоқуқлири комитети мудири мустафа йәнәроғлу әпәнди уйғурларни ишханисида қобул қилди. 2016-Йили июн, әнқәрә.
RFA/Erkin Tarim

Түркийә парламенти инсан һәқ вә һоқуқлири комитети мудири, парламент әзаси мустафа йәнәроғлу шәрқий түркистан мәдәнийәт вә һәмкарлиқ тәшкилати башқуруш һәйити әзалиридин тәркиб тапқан 8 кишини парламент бинасидики ишханисида қобул қилған.

Тайланд вә малайшия арқилиқ түркийәгә кәлгән уйғурларниң вәкиллириму қатнашқан бу учришишта, тәшкилатниң башқуруш һәйити әзаси абдуқадир түмтүрк әпәнди, мустафа йәнәроғлуға уйғурларниң тәләплирини йәткүзгән.

Бу қобул һәққидә зияритимизни қобул қилған абдуқадир түмтүрк әпәнди бүгүн түркийә парламентиниң чоң залида алди билән түркийә баш министири бинали йилдирим әпәндиниң нутқини аңлиғанлиқини, арқидин түркийә парламенти инсан һәқ вә һоқуқлири комитети рәиси мустафа йәнәроғлу әпәндиниң өзлирини қобул қилғанлиқини тәкитлиди.

Абдуқадир түмтүрк әпәнди түркийә инсан һәқ вә һоқуқлири комитетида тайландта түрмидә йетиватқан уйғурларни қутулдуруш, тайланд вә малайшия арқилиқ түркийәгә кәлгән уйғурлар дучар болуватқан қийинчилиқларни һәл қилиш, хитайниң уйғурларға елип бериватқан бесим сияситини түркийә парламентида күнтәртипкә елип келишкә охшаш 4 түрлүк тәләпни оттуриға қойғанлиқини баян қилди.

Шәрқий түркистан мәдәнийәт вә һәмкарлиқ җәмийити яшлар комитети мәсули абдуғени бекин әпәнди һәйәтниң түркийә парламентида елип барған зияритиниң наһайити яхши өткәнликини, мустафа йәнәроғлу әпәндиниң уйғурларға ярдәм қилидиғанлиқини ейтқанлиқини баян қилди.

Шәрқий түркистан мәдәнийәт вә һәмкарлиқ җәмийити башқуруш һәйити әзаси ташқи мунасивәтләр мудири мустафа йәнәроғлу әпәндиниң өзлирини үмидләндүргәнликини баян қилди.

Түркийә инсан һәқ вә һоқуқлири комитети 2013-йили 10-айда уйғур дияридики инсан һәқ вә һоқуқлири дәпсәндичилики тоғрисида мәхсус музакирә елип берип, уйғур дияриға берип тәкшүрүш елип бериш тоғрисида қарар мақуллап, хитайниң әнқәрәдә турушлуқ баш әлчиликигә илтимас сунған иди. Әмма, бүгүнгичә җаваб алалмиған. Инсан һәқлири комитети һәр йили түркийә ичи вә сиртидики инсан һәқлири дәпсәндичиликини доклат қилип тәйярлап һөкүмәткә сунуп кәлмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.