6-Нөвәтлик “дуня шәрқий түркистанлиқлар қериндашлиқ учришиш йиғини” ахирлашти

Ихтиярий мухбиримиз арслан
2014.08.12
Share on WhatsApp
Share on WhatsApp
hidayetullah-oghuzxan-dala-soz.jpg 6-Нөвәтлик “дуня шәрқий түркистанлиқлар қериндашлиқ учришиш йиғини” ахиридики дала камп паалийитидә һидайәтуллаһ оғузхан камп паалийитиниң хуласә доклатини оқуп өтти. 2014-Йили 8-авғуст, түркийә.
RFA/Arslan

Шәрқий түркистан маарип вә һәмкарлиқ җәмийитиниң уюштуруши билән истанбул ечилған 6-нөвәтлик “дуня шәрқий түркистанлиқлар қериндашлиқ учришиш йиғини” дуняниң һәр қайси җайлиридин кәлгән 100 гә йеқин кишиниң қатнишиши билән бир һәптә давам қилған болуп, дала камп паалийити 8-айниң 8-күни ахирлашти.

Дала камп паалийити ахирида шәрқий түркистан маарип вә һәмкарлиқ җәмийитиниң рәиси һидайәтуллаһ оғузхан камп паалийитиниң хуласә доклатини оқуп өтти.

Һидайәтуллаһ оғузхан хуласә доклатида мундақ деди: әзиз мөһтәрәм қериндашлар! биз бу бир қанчә күн ичидә шәрқий түркистан хәлқи дуч келиватқан тәһдитләрдин 21 түрлүк чоң тәһдит үстидә илмий доклатлар аңлидуқ, пикир баян қилиштуқ, музакирә вә муназирә елип бардуқ. Йәни һәр ким йүрикидики арзу-арманлирини муһим пикир-тәклиплирини оттуриға қойди.

Хуласә доклатта һидайәтуллаһ оғузхан һәр бир киши өзиниң әқли, вақти, пикир-тәпәккури, билими вә иқтисадий билән дава үчүн хизмәт қилиш керәкликини тәкитлиди. Униң доклатида йәнә диний зиялийлар билән пәнний зиялийларниң һәмкарлиқи, тәшкилатларниң һәмкарлиқи, уйғур тил-йезиқи, мәдәний-маарип шуниңдәк истанбулда уйғур тили институти қурус қатарлиқ көплигән мәсилиләр тәкитләнди.

Бу йиғинға қатнашқан явропа шәрқий түркистан бирликиниң рәиси әнвәрҗан әпәнди зияритимизни қобул қилип, йиғинниң мувәппәқийәтлик өткәнлики, униң уйғур дәва паалийити үчүн әһмийәтлик икәнликини тәкитлиди.

Тәпсилатини аваз улинишидин аңлиғайсиз.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.