6-Nöwetlik “Dunya sherqiy türkistanliqlar qérindashliq uchrishish yighini” axirlashti

Ixtiyariy muxbirimiz arslan
2014.08.12
hidayetullah-oghuzxan-dala-soz.jpg 6-Nöwetlik “Dunya sherqiy türkistanliqlar qérindashliq uchrishish yighini” axiridiki dala kamp pa'aliyitide hidayetullah oghuzxan kamp pa'aliyitining xulase doklatini oqup ötti. 2014-Yili 8-awghust, türkiye.
RFA/Arslan

Sherqiy türkistan ma'arip we hemkarliq jem'iyitining uyushturushi bilen istanbul échilghan 6-nöwetlik “Dunya sherqiy türkistanliqlar qérindashliq uchrishish yighini” dunyaning her qaysi jayliridin kelgen 100 ge yéqin kishining qatnishishi bilen bir hepte dawam qilghan bolup, dala kamp pa'aliyiti 8-ayning 8-küni axirlashti.

Dala kamp pa'aliyiti axirida sherqiy türkistan ma'arip we hemkarliq jem'iyitining re'isi hidayetullah oghuzxan kamp pa'aliyitining xulase doklatini oqup ötti.

Hidayetullah oghuzxan xulase doklatida mundaq dédi: eziz möhterem qérindashlar! biz bu bir qanche kün ichide sherqiy türkistan xelqi duch kéliwatqan tehditlerdin 21 türlük chong tehdit üstide ilmiy doklatlar angliduq, pikir bayan qilishtuq, muzakire we munazire élip barduq. Yeni her kim yürikidiki arzu-armanlirini muhim pikir-tekliplirini otturigha qoydi.

Xulase doklatta hidayetullah oghuzxan her bir kishi özining eqli, waqti, pikir-tepekkuri, bilimi we iqtisadiy bilen dawa üchün xizmet qilish kéreklikini tekitlidi. Uning doklatida yene diniy ziyaliylar bilen penniy ziyaliylarning hemkarliqi, teshkilatlarning hemkarliqi, Uyghur til-yéziqi, medeniy-ma'arip shuningdek istanbulda Uyghur tili instituti qurus qatarliq köpligen mesililer tekitlendi.

Bu yighin'gha qatnashqan yawropa sherqiy türkistan birlikining re'isi enwerjan ependi ziyaritimizni qobul qilip, yighinning muweppeqiyetlik ötkenliki, uning Uyghur dewa pa'aliyiti üchün ehmiyetlik ikenlikini tekitlidi.

Tepsilatini awaz ulinishidin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.