Dolqun eysa: se'udi erebistan hejge qanunsiz kelgen Uyghurlarni emes, qanunsiz yolgha mejburlighan xitayni soraqqa tartishi kérek

Muxbirimiz shöhret hoshur
2016-06-28
Élxet
Pikir
Share
Print
Bir kün ichide mekkige hej üchün yighilghan 2 milyondin artuq musulman. 2010-Yili 16-noyabir.
Bir kün ichide mekkige hej üchün yighilghan 2 milyondin artuq musulman. 2010-Yili 16-noyabir.
AFP

Se'udi erebistan saqchiliri tünügün mekkining misfele Uyghur mehelliside hej mezgilini kütüp turuwatqan yüzlerche Uyghurni toplap yighiwélish ornigha eketken.

Melum bolushiche, bu Uyghurlar xitayning diniy cheklimiliri seweblik qanuniy yol bilen pasport we wiza élishqa muweppeq bolalmighan, netijide gheyriy resmiy yollar bilen hej ibaditige kelgenler iken.

Se'udida yashawatqan ehmet mömin ependining bayan qilishiche, yighiwélish jeryanida xitay elchixanisining ikki neper xadimi se'udi saqchilirigha hemkarlashqan, bu heqte radi'omizda pozitsiye bildürgen dunya Uyghur qurultiyi ijra komitéti mudiri dolqun eysa ependi xitayni "Ramizan mezgilide Uyghurlargha chet'eldimu parakendichilik séliwatidu" dep eyiblidi we se'udi hökümitini Uyghurlarni hej qilishta qanunsiz yolgha mejburlighan xitay hökümitini soraqqa tartishqa dewet qildi.

Yuqiriqilar weqe heqqide igilen'gen tünügünki uchurlar. Bügün türkiyediki "Istiqlal" torining gheyriy resmiy menbelerge asasen xewer qilishiche, tünügün yighiwélin'ghan Uyghur hajilar ürümchige yolgha séliwétilgen.

Xewerde déyilishiche, yurtigha qayturulghanlar arisida tungganlarmu bar bolup, ayrodromda tunggan hajilar bilen se'udi saqchilar arisida talash-tartish we jédel yüz bergen.

Biz bu uchurlarning toghriliqini éniqlash üchün se'udidiki xitay elchixanisigha téléfon qilghan bolsaqmu, elchixana téléfoni élinmidi.

Toluq bet