Italiye sotsiyal libéral teshkilatining parizhdiki yighinigha Uyghurlarmu qatnashti

Ixtiyariy muxbirimiz haji qutluq qadiri
2016.02.23
Share on WhatsApp
Share on WhatsApp
Italiye-firansiye-uyghur-mesilisi-1.jpg Italiye xelq'ara sotsiyal libéral teshkilati firansiyede pa'aliyet élip bériwatqan Uyghur, tibet, wiyétnam we la'os qatarliqlarning kishilik hoquq teshkilatliri mes'ulliri bilen chaqirghan yighindin kéyin xatire süret. 2016-Yili 20-féwral, parizh.
RFA/Qutluq

Firansiye Uyghur jem'iyitidin igilishimizche, 20-féwral italiye xelq'ara sotsiyal libéral teshkilati firansiyede pa'aliyet élip bériwatqan Uyghur, tibet, wiyétnam we la'os qatarliqlarning kishilik hoquq teshkilatliri mes'ulliri bilen birlikte parizhda yighin chaqirghan.

Yighin parizhdiki jumhuriyet meydani merkizidiki yighin zalida chaqirilghan bolup, yighin shu yer waqti chüshtin kéyin sa'et üchtin beshke qeder dawamlashqan.

Biz yighin heqqide toluq melumatqa érishish üchün neq meydan'gha téléfon qilghinimizda, ziyaritimizni qobul qilghan yighin ishtirakchiliridin sabiq firansiye parlamént ezasi, kishilik hoquq pa'aliyetchisi déniy yighin heqqide toxtilip: “Biz bügün italiye xelq'ara sotsiyal libéral teshkilatining uyushturushi bilen parizhda pa'aliyet élip bériwatqan Uyghur, tibet, wiyétnam we la'os qatarliq kishilik hoquq teshkilatlirining wekilliri bir yerge jem bolup, pat yéqinda yawropa parlaméntida chaqirilidighan yighinning teyyarliq xizmetliri heqqide muzakire élip bériwatimiz” dédi.

Yighinni teshkilligüchi italiye sotsiyal libéral teshkilatining mes'ulliridin bir mariya téroni mezkur teshkilat heqqide toxtilip: “Teshkilatimiz héchqandaq bir siyasiy partiye we organ'gha béqinmighan, iqtisadi jehettin musteqil bolghan xelq'araliq kishilik hoquq teshkilati. Teshkilatimiz qurulup toqquz yildin buyan dunyaning her qaysi jayliridiki xeter astidiki milletlerge yar-yölekte bolushni, ularning yoqilish aldidiki medeniyitini qoghdashni küresh nishanimiz qilip kéliwatimiz. Shu sewebtin xitayning türlük assimilyatsiye qilish siyasitige uchrawatqan Uyghur, tibetlerge yardem qilish, wiyétnam, la'ostiki azsanliq milletlerge köngül bolush bizning nöwettiki asasliq xizmet pilanimiz” dédi.

Firansiyede pa'aliyet élip bériwatqan wiyétnam kishilik hoquq teshkilatigha wekil bolup yighin'gha qatnashqan térana özining yighin tesiratini bayan qilip:“Biz dölitimizning erkinliki,Uyghur, tibetlerning kishilik hoquqliri üchün küresh qilishimiz kérek” dédi.

Italiye xelq'ara sotsiyal libéral teshkilati bilen uzundin biri türlük pa'aliyetlerni birlikte élip bériwatqan firansiye Uyghur jem'iyitining re'isi erkin ablimit bu qétimqi parizhda chaqirilghan yighinnning mezmuni heqqide toxtaldi.

U sözide, bu qétimqi italiye xelq'ara sotsiyal libéral teshkilatining sahibxaniliqida yawropa parlaméntida chaqirilidighan kishilik hoquq yighinida Uyghur mesilisining asasliq téma qilinidighanliqini ilgiri sürdi.

Kishilik hoquq pa'aliyetchisi erkin ablimit yene, bu qétimqi yighinda firansiye Uyghur jem'iyiti ezaliri italiye xelq'ara sotsiyal libéral teshkilatigha ayrim pikir we teleplernimu otturigha qoyghanliqini alahide eskertip ötti.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.