B d t yighinida Uyghurlarning heq-hoquq mesililiri otturigha qoyuldi

Ixtiyariy muxbirimiz erkin tarim
2014.05.05
dolqun-eysa-jenwe-uyghur-mesilisi.JPG B d t yighinida, dunya Uyghur qurultiyi ijra'iye komitéti re'isi dolqun eysa ependi Uyghur weziyiti heqqide toxtaldi. 2014-Yili may, jenwe.
RFA/Erkin Tarim

Birleshken döletler teshkilatining siyasiy, ijtima'iy, medeniyet heq-hoquqliri komitétining 52-nöwetlik omumiy yighinida Uyghurlar duchar boluwatqan siyasiy, ijtima'iy we medeniyet depsendichilik mesililiri otturigha qoyuldi.

Jenwede 28-aprél künidin 23-may künigiche dawamlishidighan bu yighinda 12 döletning siyasiy, ijtima'iy we medeniy heq-hoquqliri mesilisi közdin kechürülidiken. B d t de chaqirilghan bügünki yighinda dunya Uyghur qurultiyi ijra'iye komitéti re'isi dolqun eysa ependi söz qilip, Uyghurlar duchar boluwatqan siyasiy, ijtima'iy we medeniyet heq-hoquqliri mesililirini otturigha qoyghan hem d u q ning bu heqte teyyarlighan 45 betlik doklatini komitét mes'uligha sun'ghan. Dolqun eysa bergen melumatlargha asaslan'ghanda, d u q bügün otturigha qoyghan eyibleshlerge xitay wekiller 8-may küni jawab béridiken.

Birleshken döletler teshkilatining “Siyasiy, iqtisadiy we ijtima'iy heq-hoquqlar ehdinamisi” 1960-yili maqullan'ghan bolup, xitay döliti bu ehdinamige 2001-yili qol qoyghan. 2005-Yili tunji qétim xitaydiki bu heq we hoquqlar közdin köchürülgen bolup, bu yilqisi ikkinchi qétimliq közdin köchürüsh bolup hésablinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.