Әркин алиптекин: шәрқий түркистан хәлқиниң һеч үмидсизләнмәсликини тәвсийә қилимән

Ихтиярий мухбиримиз әкрәм
2015.09.23
Share on WhatsApp
Share on WhatsApp
erkin-alptekin-gollandiye-soz-qilmaqta-305.jpg Далай ламаниң 73 яшқа киргәнликини хатириләш мунасивити билән уюштурулған паалийәттә әркин алиптекин әпәнди нутуқ сөзлиди. 2012-Йили 6-июл, голландийә.
RFA/Pidaiy

Әркин алиптекин әпәнди уйғур вәтининиң нөвәттики вәзийити һәққидә тохтилип, хитайниң миллий сияситиниң барғансери начарлишиши, уйғур илидики миллий зулумниң артип бериши сәвәблик уйғурларниң миллий ирадә вә ғайисидин тәврәнмәсликини үмид қилди.

Хитайниң вәтәнпәрвәрлик, милләтчилик тәрғибатлириниң барғансери күчийишиниң уйғур қатарлиқ етник милләтләрниң миллий мәвҗутлуқиға тәһдитләр яритиватқанлиқи көзәткүчиләрниң диққитини тартмақта. Уйғур сиясий затлиридин әркин алиптекин әпәнди бу хусуста тохталғанда, хитайниң 2 миң йилдин бери қошна әлләргә қарита йолға қоюп кәлгән милләтчилик сияситиниң шәрқий түркистанда әң қаттиқ рәвиштә иҗра қилиниватқанлиқини тилға алди. У сөзидә, хитайниң бу сияситиниң диний ортақлиқ сәвәби билән тибәт вә ички моңғулда көп тосалғуға учримиғанлиқини, әмма шәрқий түркистанда мусулман бир милләт болған уйғурларниң қаттиқ қаршилиқларға дуч келиватқанлиқини ейтти.

Әркин алиптекин әпәнди сөзидә, ислам дининиң уйғурларниң мәвҗутлуқи үчүн әң асаслиқ һамийлиқ ролини ойнаватқанлиқини, буни чүшәнгән хитайниң уйғурларға қалқан болуватқан бу динни йоқитиш йолида бар күчи билән һәрикәт қиливатқанлиқини тәкитлиди. У бу тоғрилиқ чәтәлләрдики уйғур зиялийлириниң илмий муһакимиләр вә тәтқиқатлар елип берип, дуня җамаитигә хитайниң диний зулуминиң маһийитини тонутуш, уйғур хәлқигә үмид беғишлаш мәҗбурийити барлиқини тәкитлиди.

Әркин алиптекин әпәнди шәрқий түркистандики миллий қаршилиқ һәрикәтлири билән әркин дунядики күрәшни маслаштуруш, шәрқий түркистан хәлқиниң арзу-тиләклирини техиму җиддий рәвиштә дуняға аңлитиш зөрүрлүкини әскәртти. У, шәрқий түркистан хәлқиниң һеч үмидсизләнмәсликини тилға елип, үмидсизликниң хитайниң ассимилятсийә сияситиниң әмәлгә ешишиға шараит һазирлап беридиғанлиқини илгири сүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.