Uyghurlarning dosti xans xagréfé: Uyghurlarning tarixigha yene ajayip güzel büyük bablar yézilidu!

Amérikidiki Uyghurlar, bir qisim chet'ellikler we chet'eldin kelgen Uyghur méhmanlar amérika dölet mejlisi binasida sherqiy türkistan jumhuriyetlirini xatirilidi. 2013-Yili 12-noyabir, washin'gton.

Amérikidiki Uyghurlar, bir qisim chet'ellikler we chet'eldin kelgen Uyghur méhmanlar amérika dölet mejlisi binasida sherqiy türkistan jumhuriyetlirini xatirilidi. 2013-Yili 12-noyabir, washin'gton.

Amérikining xitay bilen élip barghan kishilik hoquq we bashqa diplomatik söhbetliride bolsun, Uyghurlarning heq-hoquq mesililirining qayta-qayta tilgha élinishi, amérika dölet mejlisi we awam palatasining Uyghurlar uchrawatqan zulumlar toghriliq ispat bérish yighinlirini orunlashturup kéliwatqanliqi, Uyghur milliy herikiti rehbiri rabiye qadir xanimning xitay türmisidin qoyup bérilishi we yene dunya Uyghur qurultiyi yighinliri we yéqinqi künlerdikidek Uyghurlarning, ilgiri qurghan jumhuriyetlirini xatirilesh murasimlirining amérika dölet mejliside ötküzülüshidek körünüshlerdin Uyghurlar dewasining amérikida xéli étibargha éliniwatqanliqini köreleymiz.

12-Noyabir Uyghurlarning jumhuriyet künini xatirilesh murasimigha alahide teklip qilin'ghan méhmanlardin, Uyghurlarning yéqin dosti bolghan amérika awam palatasi tom lentos kishilik hoquq kéngishining sabiq ijra'iye re'isi xans xagréfé ependi, murasimda del Uyghur mesilisining amérikida étibargha élinish jeryani shundaqla buningdin kéyin yene némilerni qilish kérekliki heqqide tepsiliy toxtaldi.

Uning nutqi, amérika Uyghur birleshmisi re'isi alim séyitof ependi teripidin neq meydanda terjime qilinip, sorun ehlide chongqur tesirat qozghidi.

Yuqiridiki awaz ulinishidin, xans xagréfé ependining nutqining tepsiliy mezmunlirini diqqitinglargha sunimiz.