Türkiyediki xitay oqutquchilar eng köp uniwérsitétta sherqiy türkistan mesilisi anglitildi

Ixtiyariy muxbirimiz erkin tarim
2013.12.12

Üch kündin béri uda üch qétim Uyghurlar toghrisida doklat bérish yighini ötküzüldi. 12-Dékabir küni oqan uniwérsitétida ötküzülgen yighin'gha oqutquchi-oqughuchi we bashqa uniwérsitétlardin kelgen oqughuchilardin bolup 200 etrapida kishi qatnashqan.

Mezkur doklat bérish yighinida nuqtiliq halda Uyghurlar uchrawatqan bésim we zulum siyasiti anglitilghan. Bu yighinni uyushturghan oqan uniwérsitéti yawru'asiya oqughuchilar uyushmisi bashqurush hey'iti ezasi exmet ödemish ependining éytishiche, oqan uniwérsitéti türkiyediki xitayche ögitiwatqan eng chong uniwérsitétlardin biri bolup, uniwérsitétta köp sanda xitay oqutquchi we oqughuchilar bar iken. Mezkur uniwérsitéttiki xitay oqutquchi we oqughuchilar “Sherqiy türkistan mesilisi” témisida bundaq bir yighin chaqirilghanliqidin bi'aram bolghanliqini bildürüshken.

Burun oqan uniwérsitétida xitayning enqerede turushluq bash elchisi gung shyawshéng, türkiyening béyjingda turushluq bash elchisi murat esenli, türk parlamént ezasi doktor sinan ogan qatarliq kishilermu doklat bergen idi.

Biz neq meydan'gha téléfon qilip, exmet ödemish we séyit tümtürklerdin yighin ehwalini soriduq.

Tepsilatini yuqiridiki awaz ulinishidin anglighaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.