Taylandiki Uyghur musapirlargha chet'eldiki Uyghurlar yardem qolini uzatti

Taylandning xat yay rayonidiki lagérlarda turuwatqan musapir Uyghurlargha chet'eldiki Uyghurlar yardem qolini uzatti. 2-Iyun bu Uyghurlargha atap kala soyulup, qordaq we polular étilip apirip bérilgen. Buningdin bashqa ulargha jiddiy kéreklik dora, kiyim-kéchek, sopun we balilar yémekliki qatarliq buyumlarmu tarqitilip bérilgen.

Dunya Uyghur qurultiyining mu'awin re'isi séyit tümtürkning éytishiche, bu 293 Uyghur xoten, qeshqer, aqsu, korla, turpan, ghulja qatarliq jaylardin qachqan. Bu Uyghurlar nöwette 40 gradusluq issiq, meynet muhit we sésiq puraq ichide yashawatqan bolup, ular jiddiy yardemge mohtaj iken.

Biz igiligen melumatlargha asaslan'ghanda, bu musapir Uyghurlarning taylandtin üchinchi bir döletke kétish resmiyetliri dawamlishiwétiptu.

Dunya Uyghur qurultiyining musapirlargha yardem qilish komitéti mudiri séyit tümtürk ependi bu Uyghurlargha chet'eldiki Uyghurlarning yardem qolni uzatqanliqini, bu yurtdashlarning baldurraq bu qéyin turmushtin qutulush üchün barliq Uyghurlarning küch chiqirishi kéreklikini éytti.