Qeshqer shehiride pasport béjirishni asanlashturush siyasiti heqqide chet'ellerdiki Uyghurlarning inkasliri

“Qeshqer sheher tori”ning 18-awghust tarqatqan xewiride pasport béjirish resmiyiti üchün, peqet bir sa'et kétidu dep uchur bérildi.

Xewerde : “Qeshqer shehirining sirtqa qarita bardi -keldi alaqisining köpiyishige egiship,chet'elge chiqishni iltimas qilghuchilar üzlüksiz éship barghanliqini, buninggha qarita qeshqer sheherlik jama'et xewpsizlik idarisi chégradin kirip -chiqishni bashqurush etriti qeshqer xelqige qulayliq élip keldi” déyilgen.

Chet'elge tughqan yaki dostlirini yoqlash üchün pasport ishleshte,peqet chet'el sirtidiki tughqan yaki dostining kimlik köpeytmisi telep qilin'ghan.

Xitay da'iriliri pasport béjirishni 5-ayning 25-küni resmiy sinaq teriqiside shixenze,qaramay, atush qatarliq sheherlerde bashlighan idi.

Xitay da'irilirining qeshqer shehiride pasportni bir sa'et ichide iltimas qilishni qolaylashturushi muhajirettiki uyghularning diqqitini tartti.

Bu heqte ziyaritimizni qobul qilghan,gollandiyediki yawropa sherqiy türkistan teshwiqat -dewet mudiri hüseyin tejelli xitay da'irilirining qeshqer shehiride pasport béjirshini asanlashturushning arqa körünushige qarita öz köz qarishini bayan qildi. U, sözide buning qeshqer qatarliq uyghu'ur élining jenubigha téximu köp köchmen orunlashturush pilanini yürgüzüshning deslepki basquchi ikenlikini otturigha qoydi.

U yene xitayning pasport qolaylashturush siyasiti qeshqerdiki Uyghurlarning chet'eldiki tughqan yaki dostlirining arxipini toplashni meqset qilidighanliqini ilgiri sürdi.