Gumida saqchixanigha hujum qilghanlar teslim bolushni ret qilghan we neq meydanda étiwétilgen

Muxbirimiz shöhret hoshur
2014.05.19
pichan-lukchun-weqesi-saqchixana-hujum.jpg Pichan nahiyisi lükchün bazirida saqchixanigha hujum qilip köydürülgen saqchi mashiniliri. 2013-Yili 26-iyun.
Oqurmenler Teminligen

Ötken seyshenbe küni tang'atardin awwal, guma nahiyisidiki muji yéziliq saqchixana qorusigha ikki dane bomba tashlap, ikki neper saqchini yarilandurghan we xitay da'irilirini alaqzade qilghan 3 neper gumandar, charshenbe we peyshenbe künliri guma nahiyisining sanju we muji yézilirida mökünüp turghan yéride qorshawgha élin'ghan.

Ularni qorshashqa, nechche yüzligen xitay qoralliq küchliridin bashqa, kenttiki nechche yüzligen ahalilermu seperwer qilin'ghan. Kent bashliqliri we ahalilerning bayan qilishiche, muji yézisining lengger we hasa kentliride qorshawgha élin'ghan ikki neper gumandar teslim bolushni ret qilghan. Hasa kentidiki bir qomushluqta mökünüp yatqan gumandarni bir sa'etche teslim bolushqa qistighan saqchilar axirida qomushluqqa ot qoyghan. Ot destidin qomushluqtin sirtqa étilip chiqqan gumandar yenila qolidiki pichaqni tashlimighan. Gumandarlarning ölüm aldidiki jasariti xitay saqchilirini alaqzade qilsa, Uyghur ahalilerni tesirlendürgen.

Yuqiridiki awaz ulinishidin tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.