Айкөл деһқанлири: “айкөлдә һашар 7 күн, әтигән саәт 7дин кәч саәт 6 гичә”

Мухбиримиз шөһрәт һошур
2015-11-02
Share
uyghur-hashar-osteng-chepish.jpg Һашарға мәҗбурлинип өстәң чепиватқан уйғур деһқанлар. Ақсу.
Social Media

Бу йил 5-айда мухбиримизниң зияритини қобул қилған тоқсу наһийисиниң юлтузбағ йезисидики бир кәнт секретари өзлириниң деһқанларни иш чиқирип қоюштин тосуш үчүн һашарға селиватқанлиқини ашкарилиған иди.

Мухбиримизниң өткән һәптидики ениқлишида охшаш мәқсәттики һашарниң ақсу айкөлдиму давам қиливатқанлиқи айдиңлашти. Икки нәпәр деһқанниң баян қилишичә, айкөлдә һашар һәптидә 7 күн, әтигән саәт 7дин кәч саәт 6 гә қәдәр давам қилиду, әгәр кимки кесәл болуп қалса, униң һашар вәзиписини қериндашлири иҗра қилиду. 21-Әсирдә дуняда пәқәт уйғур райониниң җәнубидила иҗра қилиниватқан бу һашарниң учурини айкөлдики аһалиләрниң өз еғизидин аңлайсиләр.

Көзәткүчиләрниң қаришичә, һашар уйғур деһқанлири дәврләрдин буян қутулуп болалмайватқан бир түр җаза шәкли, гәрчә хитай даирилири һашардин ибарәт бу мәҗбурий вә һәқсиз әмгәкни, илгирики хәвәрләрдә ишләпчиқириш вә шараитниң еһтияҗи дәп пәрдазлап тәшвиқ қилип кәлгән болсиму, йеқинқи мәзгилләрдә буни ашкара һалда муқимлиқ тәдбири сүпитидә иҗра қилмақта. Мәлум болушичә, һашар хитайниң әмгәк қанунида хели бурунла әмәлдин қалдурулған. Әмма йеқинқи йиллардин буян қаршилиқ һәрикәтлири күчәйгәндин кейин, болупму бултур 22-май күни үрүмчидә әтигәнлик базарға һуҗум қилиш вәқәси йүз бәргәндин кейин, уйғур райониниң бир қисим җайлирида, йәрлик даириләр һашарни аһалиләрни контрол қилип турушниң үнүмлүк бир чариси сүпитидә иҗра қилмақта.

Ақсу айкөлдики аһалиләр 2013-йили 8-айниң 8-күни йәни роза һейттин бир күн бурун қара-қоюқ адәм тутқан сақчиларниң алдини тосуп наразилиқ билдүргән вә бу наразилиқ қанлиқ тоқунушқа айланған, тоқунушта аз дегәндә 13 киши өлгән вә йүзләрчә киши яридар болған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт