Xoten manglayda yol tekshürüsh ponkitigha ot qoyuwétish weqesining sewebliri heqqide inkaslar

Xotenning qaraqash nahiye manglay yézisida jüme küni seherde bir yol tekshürüsh ponkitigha ot qoyuwétish weqesi yüz bergen؛ weqede 3 neper xadim otta köyüp ölgen we we ikki nepiri pichaq tiqip öltürülgen idi.

Muxbirimizning bu weqe heqqidiki ilgirilep éniqlashliri dawamida, weqening sewebi heqqidimu oxshimighan inkaslar otturigha chiqti. Bezi ahaliler weqening asasliq sewebi heqqide yol tekshürüsh ponkitidiki xadimlarning perenjilik ayallargha qilghan zorawanliqlirini körsetse؛ yene beziler xadimlarning yoldin ötken qatnash qorallirigha heddidin ziyade resmiyet teleplirini qoyup kishilerni izchil halda bozek qilghanliqini körsetti. Yene beziler weqening nöwette Uyghur rayonida dawam qiliwatqan “Bir yil qattiq zerbe bérish” dolqunigha qarita intiqam élish herikiti ikenlikini otturigha qoydi.

Muxbirimizning bügünki éniqlashliri dawamida yene, weqe sadir qilghuchilarning téxiche tutulmighanliqi aydinglashti.

Bezi közetküchiler mulahiziliride weqe körünüshte nöwettiki weziyet bilen munasiwetliktek qilsimu, mahiyette buning, rayonda yillardin béri dawam qilip kéliwatqan xitay hakimiyitige qarshi küreshning bir qismi ikenlikini, nöwettiki weziyetning peqet küreshning téximu keng we shiddetlik dawam qilishigha türtke boluwatqanliqini ilgiri sürüshmekte.

Tepsilatini yuqiridiki awaz ulinishidin anglighaysiler.