Uyghur élining jenubi we shimalida türkümlep yardemchi saqchi qobul qiliniwatqanliqi melum boldi

Muxbirimiz qutlan
2017-04-06
Share
yengi-saqchi-meshq.jpg Yéngidin qobul qilin'ghan saqchilar meshqlendürülmekte.
Aqsu hökümet tori

Yéqinda xotenning kériye, chira we lop nahiyeliri shundaqla qizilsuning atush shehiri bilen aqtu nahiyeside yéngidin qobul qilin'ghan nechche yüzligen yardemchi saqchining jiddiy meshqlendürülüwatqanliqi melum bolghan idi.

14-Féwraldiki guma pichaqliq hujumidin kéyin xotenning guma nahiyesidimu 200 neper yardemchi saqchining qobul qilinip, herqaysi saqchixanilargha seplen'genliki ilgiri sürüldi.

Biz gumidiki saqchixanilargha téléfon qilip bu ehwalni delillep körüshke tirishqan bolsaqmu, lékin yéqinqi jiddiychiliktin nérwisi sezgürliship ketken saqchilar so'allirimizgha jawab bérishni qopalliq bilen ret qildi.

Guma nahiyesining choda saqchixanisidiki bir neper mes'ul saqchi téléfonimizni qobul qilghan yardemchi saqchining qolidin turupkini yulup élip, tapa-tene we qopal ibariler bilen inkas qayturdi.

Jiddiy türde yardemchi saqchi qobul qilish we meshqlendürüsh ishining Uyghur élining shimaliy we sherqidiki rayonlirida bar-yoqluqini bilip béqish üchün biz turpanning pichan nahiyesidiki herqaysi saqchixanilardin ehwal sürüshtürduq.

Pichanning chiqtim yéziliq saqchixanisidiki nöwetchi xadim yéqinda nahiye boyiche 140 neper saqchi qobul qilin'ghanliqini, uning yérimining "Sirttin" kelgenler ikenlikini ashkarilidi.

Pichan nahiyesining lemjin bazarliq saqchixanisidiki bir neper nöwetchi saqchimu yéqinda qobul qilin'ghan 140 neper yardemchi saqchilarning aliy téxnikomdin yuqiri oqush tarixi bar yashlar ikenlikini, ularni saqchi sistémisining herqaysi tarmaqlirigha seplimekchi boluwatqanliqini bildürdi.

2015-Yilidiki bay kömürkan hujumi weqesidin kéyin da'irilerning bay nahiyeside saqchi küchini torlashturush ishini jiddiy élip bérilghanliqi melum bolmaqta.

Biz yéqindin buyan bay nahiyesining yéngidin yardemchi saqchi qobul qilghan-qilmighanliqi heqqide bayning sayram yéziliq saqchixanisidin ehwal igiliginimizde, bir neper alahide saqchi "Yéziliq partkomning sékrétari yaki saqchixana bashliqidin bashqa héchkimning bu so'algha jawab bérish hoquqi yoqluqi" ni bildürdi.

Biz arqidin bay nahiyesining tash'ériq yéziliq saqchixanisigha téléfon qilduq. Téléfonimizni qobul qilghan bir neper nöwetchi saqchi qiz intayin éhtiyatchanliq bilen yéziliq saqchixanida ötken yili qomandanliq bash shtabi qurulghanliqini, özini öz ichige alghan 6 neper qizning saqchiliqqa qobul qilin'ghanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet