Oymanbaytoqayliq 41 neper siyasiy tutqundin 12 nepirining kimlikliri aydinglashti

Muxbirimiz shöhret hoshur
2016-03-23
Share
Oymanbaytoqay-yezisi.jpg 41 Neper Uyghur siyasiy tutqun qilin'ghan oymanbaytoqay kentining xeritidiki orni.
google

Muxbirimizning ghulja nahiye ara'östeng yézisida ikki ay awwal dawam qilghan kolléktip tutqun heqqidiki téléfon ziyaretliri dawamida 41 neper siyasiy tutqundin 12 nepirining kimliki aydinglashti.

Melum bolushiche, bularning kichiki 17 yash, chongi 51 yash bolup, arisida yene 1997 ‏-yilidiki 5 ‏-féwral weqesige qatniship türmige tashlan'ghan we jaza mudditini tügetken yasinjan élaxunmu bar iken. Tutqunlarning kimlikliri heqqide melumat bergen ara'östeng yézisidiki kent we mehelle bashliqlirining bildürüshiche, oymanbaytoqay meschitining tutqundiki imami enwer hesen qeshqerde tughulup ösken we ilim tehsil qilghan, yéqinda ghuljigha yerleshken iken.

Melum bolushiche, kompartiye ezasi harun dégen kishining nezirige qatnashmighanliqi üchün tutqun qilin'ghan 41 neper siyasiy tutqundin 12 nepiri töwendikilerdin ibaret: enwer hesen (51), ekber nesirdin (31), salahidin zaman (32), abduraxman qéyim (30), ferux sultan (26), abduwekil séyit (30), alim séyit (27), éli enwer (20), yasinjan élaxun (42), dilshat mijit (25), ezimet qéyim (28), adiljan hamut (17).

Bulardin enwer hesen oymanbaytoqay meschitining imami, ekber nesirdin mezkur meschitning mezini, bu ikki nepiri kolléktip tutqunning deslepki kündila qamaqqa élin'ghan.

Yene bayan qilinishiche, 200 etrapida a'ilidin terkib tapqan oymanbaytoqaydiki ahalilerning köpinchisi bir-biri bilen uruq-tughqan we quda -baja bolup, tutqundiki 41 neper siyasiy mehbusning köpinchisi bir-biri bilen yéqin yaki yiraqtin tughqanlar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.