Xitayning kishilik hoquq xatirisige qarap chiqish yighinida xitaygha 252 teklip chüshti

Muxbirimiz adile
2013.10.26
zhou-yongkang-beijing-yighin-305.jpg Xitay siyasiy qanun komitéti mu'awin sékrétari ju yungkang béyjingdiki xelq qurultiyida. 2008-Yili 8-mart.
AFP

 

Xitayning kishilik hoquq xatirisige qarap chiqish yighinida xitaygha 252 teklip chüshken.
B d t kishilik hoquq kéngishide ötküzülüwatqan herqaysi döletlerning kishilik hoquq xatirisige qarap chiqish yighinining kün tertipige bina'en bu pikir - tekliler 25 - öktebir xitay wekillerge tapshurup bérilgen bolup, bu pikir - tekliplerning köpinchiside xitayning az sanliq milletler mesilisi jümlidin Uyghur mesilisi tilgha élin'ghan.
Hörmetlik radi'o anglighuchilar, 22 - öktebir küni kishilik hoquq kéngishide xitayning kishilik hoquq xatirisige qarap chiqilghan idi. Yighinda 130 din artuq döletning wekilliri bir éghizdin xitayning kishilik hoquq xatirisige pikir - tekliplirini bérip ötken.
Yighinning kün tertipi boyiche herqaysi döletler teripidin we musteqil kishilik hoquq organliri teripidin kéngesh hey'itige sunulghan doklat kéngesh pütükchiliri teripidin qarap chiqilghandin kéyin, shular asasida axirqi omumiy doklat teyyarlap chiqilidu we kéngesh hey'itige tapshurup bérilidu. Shuning bilen birge xitay hökümiti wekillirigimu chüshken pikir teklipler tapshurup bérilidu.
Bu nöwet xitay heqqidiki doklatlar pütükchi qilip békitilgen polsha, sérralé'on we se'udi erebistan wekilliri teripidin retlep chiqilip, bügün 25 - öktebir küni jenwediki doklat tapshurush yighinida hey'etke tapshurup bérildi. Sérralé'on wekili yétti sétiwéns xanim sözide, 22 - öktebirdiki yighinda jem'iy 137 döletning pikir bayan qilghanliqini, 16 döletning xitaygha alahide so'al otturigha qoyghanliqini bildürdi.
Uning éytishiche, bu pikir - teklipler ichidiki beziliri emeldin qaldurulup, bezilirige özgertish kirgüzülgendin kéyin axirida, xitaygha jem'iy 252 teklip bérilgen. Bu tekliplerge xitay hökümitige tapshurup bérilgendin kéyin xitay hökümiti bu tekliplerge qarap chiqip, aldimizdiki 3 - ayning 14 - küni kishilik hoquq kéngishide échilidighan yighin'ghiche bu tekliplerge jawab béridiken.
Kéngesh hey'iti pütükchiler teripidin teyyarlan'ghan doklatni testiqlap, tapshurup alghandin kéyin xitay hökümitining jenwediki wekili wu xeytawgha söz berdi. Wu sözide asasen xitayning kishilik hoquq xatirisini aqlidi.
U, xitay hökümiti we puqralirining junggoche alahidilikke ige bir dölet tüzümi yaritip chiqqanliqini, xitaydiki 1 milyard 300 milyon puqraning hoquqining kapaletke ige qilin'ghanliqini, xitayning kishilik hoquqning ezeldin körülüp baqmighan derijide yaxshilan'ghanliqini bildürüp, emeliyet shuni ispatlidiki, xitay tallighan kishilik hoquqni yaxshilash yoli nahayiti toghra, dédi we kéler qétimliq bahalashqiche xitayning kishilik hoquqning barliq saheliride nahayiti körünerlik netijilerni qolgha keltürüp, yuqiri sewiyige yétidighanliqini bildürdi.
Dunya Uyghur qurultiyining ijra'iye re'isi dolqun eysa ependi 22 - öktebir künidiki yighin'gha özi biwasite qatnashqan idi.
U, bügün bizge bu heqte toxtilip, xitay hökümiti meyli özidiki mesililerni qanchilik ret qilishidin qet'iynezer, xitaygha bu nöwet ilgirikidinmu köp pikir chüshüshining özila weziyetni ispatlap turmaqta, dédi.
2009 - Yili ötküzülgen xitayning kishilik hoquq xatirisige qarap chiqish yighinida amérika, chéx jumhuriyiti, gérmaniye, kanada shiwétsiye qatarliq eller Uyghur we tibetlerning kishilik hoquq ehwalini yaxshilash toghruluq bezi teklip pikirlerni bergen bolsimu, xitay hökümiti bu teklip pikirlerge héchqandaq jawab bermigen idi.
Emma, bu nöwetlik yighinda xitay hökümiti wekili az sanliq milletler mesilisi üstidiki pikir - tekliplirige jawab bergende mexsus Uyghurlar mesilisini tilgha alghan. Ular Uyghur élining iqtisadiy - ijtima'iy ehwalining tarixtiki eng yaxshi sewiyide turuwatqanliqini, emma “Az sandiki sherqiy türksitanchi bölgünchi térrorchilarning Uyghur élide bölgünchilik bilen shughulliniwatqanliqi” ni tilgha aldi.
Dolqun eysa ependi bu nöwetlik yighinda xitay hökümitining öz éghzi bilen xitayning sherqiy türkistan mesilisidin ibaret bir mesilining mewjutluqini étirap qilghanliqini éytti we buni yighinda qolgha kelgen bir netije, dep körsetti.

Xitayning kishilik hoquq xatirisige qarap chiqish yighinida xitaygha 252 teklip chüshken. 
B d t kishilik hoquq kéngishide ötküzülüwatqan herqaysi döletlerning kishilik hoquq xatirisige qarap chiqish yighinining kün tertipige bina'en bu pikir - tekliler 25 - öktebir xitay wekillerge tapshurup bérilgen bolup, bu pikir - tekliplerning köpinchiside xitayning az sanliq milletler mesilisi jümlidin Uyghur mesilisi tilgha élin'ghan. 
Hörmetlik radi'o anglighuchilar, 22 - öktebir küni kishilik hoquq kéngishide xitayning kishilik hoquq xatirisige qarap chiqilghan idi. Yighinda 130 din artuq döletning wekilliri bir éghizdin xitayning kishilik hoquq xatirisige pikir - tekliplirini bérip ötken.
Yighinning kün tertipi boyiche herqaysi döletler teripidin we musteqil kishilik hoquq organliri teripidin kéngesh hey'itige sunulghan doklat kéngesh pütükchiliri teripidin qarap chiqilghandin kéyin, shular asasida axirqi omumiy doklat teyyarlap chiqilidu we kéngesh hey'itige tapshurup bérilidu. Shuning bilen birge xitay hökümiti wekillirigimu chüshken pikir teklipler tapshurup bérilidu.
Bu nöwet xitay heqqidiki doklatlar pütükchi qilip békitilgen polsha, sérralé'on we se'udi erebistan wekilliri teripidin retlep chiqilip, bügün 25 - öktebir küni jenwediki doklat tapshurush yighinida hey'etke tapshurup bérildi. Sérralé'on wekili yétti sétiwéns xanim sözide, 22 - öktebirdiki yighinda jem'iy 137 döletning pikir bayan qilghanliqini, 16 döletning xitaygha alahide so'al otturigha qoyghanliqini bildürdi. 
Uning éytishiche, bu pikir - teklipler ichidiki beziliri emeldin qaldurulup, bezilirige özgertish kirgüzülgendin kéyin axirida, xitaygha jem'iy 252 teklip bérilgen. Bu tekliplerge xitay hökümitige tapshurup bérilgendin kéyin xitay hökümiti bu tekliplerge qarap chiqip, aldimizdiki 3 - ayning 14 - küni kishilik hoquq kéngishide échilidighan yighin'ghiche bu tekliplerge jawab béridiken. 
Kéngesh hey'iti pütükchiler teripidin teyyarlan'ghan doklatni testiqlap, tapshurup alghandin kéyin xitay hökümitining jenwediki wekili wu xeytawgha söz berdi. Wu sözide asasen xitayning kishilik hoquq xatirisini aqlidi. 
U, xitay hökümiti we puqralirining junggoche alahidilikke ige bir dölet tüzümi yaritip chiqqanliqini, xitaydiki 1 milyard 300 milyon puqraning hoquqining kapaletke ige qilin'ghanliqini, xitayning kishilik hoquqning ezeldin körülüp baqmighan derijide yaxshilan'ghanliqini bildürüp, emeliyet shuni ispatlidiki, xitay tallighan kishilik hoquqni yaxshilash yoli nahayiti toghra, dédi we kéler qétimliq bahalashqiche xitayning kishilik hoquqning barliq saheliride nahayiti körünerlik netijilerni qolgha keltürüp, yuqiri sewiyige yétidighanliqini bildürdi. 
Dunya Uyghur qurultiyining ijra'iye re'isi dolqun eysa ependi 22 - öktebir künidiki yighin'gha özi biwasite qatnashqan idi.
U, bügün bizge bu heqte toxtilip, xitay hökümiti meyli özidiki mesililerni qanchilik ret qilishidin qet'iynezer, xitaygha bu nöwet ilgirikidinmu köp pikir chüshüshining özila weziyetni ispatlap turmaqta, dédi. 
2009 - Yili ötküzülgen xitayning kishilik hoquq xatirisige qarap chiqish yighinida amérika, chéx jumhuriyiti, gérmaniye, kanada shiwétsiye qatarliq eller Uyghur we tibetlerning kishilik hoquq ehwalini yaxshilash toghruluq bezi teklip pikirlerni bergen bolsimu, xitay hökümiti bu teklip pikirlerge héchqandaq jawab bermigen idi. 
Emma, bu nöwetlik yighinda xitay hökümiti wekili az sanliq milletler mesilisi üstidiki pikir - tekliplirige jawab bergende mexsus Uyghurlar mesilisini tilgha alghan. Ular Uyghur élining iqtisadiy - ijtima'iy ehwalining tarixtiki eng yaxshi sewiyide turuwatqanliqini, emma “Az sandiki sherqiy türksitanchi bölgünchi térrorchilarning Uyghur élide bölgünchilik bilen shughulliniwatqanliqi” ni tilgha aldi.
Dolqun eysa ependi bu nöwetlik yighinda xitay hökümitining öz éghzi bilen xitayning sherqiy türkistan mesilisidin ibaret bir mesilining mewjutluqini étirap qilghanliqini éytti we buni yighinda qolgha kelgen bir netije, dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.