Хитай компартийәсиниң милләтләр сиясити һәққидики йеңи һөҗҗити қандақ арқа көрүнүштә оттуриға чиқти?

Мухбиримиз қутлан
2014.12.24
Share on WhatsApp
Share on WhatsApp
milletler-xizmitini-kucheytish.jpg Хитай компартийәси мәркизий комитети билән хитай дөләт ишлири кабинети бирликтә чиқарған “йеңи шараитта милләтләр хизмитини күчәйтиш вә өзгәртиш һәққидә пикир” намлиқ һөҗҗәт. 2014-Йили 23-декабир.
people.cn diki munasiwetlik maqalidin élin’ghan

Йеқинда хитай компартийәси мәркизий комитети билән хитай дөләт ишлири кабинети бирликтә “йеңи шараитта милләтләр хизмитини күчәйтиш вә өзгәртиш һәққидә пикир” намлиқ һөҗҗәт чиқарған.

Һөҗҗәттә хитайдики милләтләр мәсилиси вә хизмити бойичә 6 нуқтида 25 түрлүк пикир оттуриға қоюлған.

Униңда “җуңгониң көп милләттин тәшкил тапқан дөләт әһвалини чоңқур тонуш, миллий районларниң иқтисадий тәрәққиятини зор күч билән күчәйтиш, миллий территорийәлик аптономийә қанунини әмәлийләштүрүш, миллий кадирларға ишиниш вә уларниң ролини җари қилдуруш, дөләттә ортақ қоллинилидиған хәнзу тилини омумлаштуруш билән бир вақитта, йәнә аз санлиқ милләтләрниң өз тил-йезиқини қоллиниш һоқуқиға капаләтлик қилиш” дегәндәк бир қатар бәлгилимиләр тәкитләнгән.

Мәзкур һөҗҗәт һәққидики хәвәрләр хитай һөкүмәт таратқулирида елан қилинғандин кейин, хитай ичи вә сиртидики сиясий анализчилар шундақла хәлқарадики көзәткүчиләр бу һәқтә арқа-арқидин инкас билдүрди.

Бәзи анализчилар мәзкур һөҗҗәт хитайниң йеқин арида милләтләр сияситини, болупму тибәт вә уйғур елиға қаратқан қаттиқ қол сияситини юмшитидиғанлиқиниң сигнали дегән қарашларниму илгири сүрмәктә.

Ундақта, бу растинила хитайниң милләтләр сияситидә җиддий өзгириш ясайдиғанлиқиниң бешарити?

Америка уйғур бирләшмисиниң муавин рәиси илшат һәсән әпәнди бу һәқтә зияритимизни қобул қилип өз қарашлирини оттуриға қойди.

У сөзидә “хитай компартийәсиниң милләтләр сиясити мәғлуп болди. Болупму хитай даирилириниң тибәт вә уйғур елиға қаратқан қаттиқ қол сиясити тамамән мәғлуп болди. Хитай мана мушундақ қийин әһвалда милләтләр мәсилисидин ибарәт бу баш ағриқидин вақитлиқ қутулуш үчүн мәзкур һөҗҗәтни оттуриға чиқарған. Һалбуки, бу һөҗҗәттә оттуриға қоюлған мәзмунлар илгири көрүлүп бақмиған яки пүтүнләй йеңи пикирләр әмәс. Униңда йәнила хитайниң дөләт бирлики вә түп мәнпәитини көзлигән асаста, хитайниң милләтләр сияситигә бәзибир чирайлиқ ибариләрни вә ялтирақларни сүркигән, халас,” дегәнләрни илгири сүрди.

Тәпсилатини аваз улиништин аңлиғайсиз.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.