Xitayning Uyghurlargha élip bériwatqan qaratmiliq teshwiqati emeliyette uning niyitini ashkarilap qoymaqta
2013.09.25

Uyghur élidiki xitayning barliq teshwiqat wasitiliride yéqindin buyan “Uyghurlarning en'eniwi medeniyiti” téma qilin'ghan yene bir siyasiy teshwiqi terbiye dolquni kötürüldi. Yeni Uyghur aptonom rayonluq partkom tashqi teshwiqat ishxanisining mu'awin mudiri gheyret seliyéf yazghan “Uyghurlarning ochuq yoruq, epuchan, ilghar medeniyetni qobul qilidighan, ésil en'eniwi medeniyitige warisliq qilayli” namliq maqalisi élan qilin'ghandin kéyin, da'iriler saheler boyiche, bu maqale asasida teshwiqat élip barmaqta, gheyret séliyofning téléwiziye teshwiqatlirida, siyasiy meqset bilen Uyghurlarning milliy we diniy héssiyatigha qaratqan hujumliri, Uyghurda naraziliq qozghapla qalmay chet'ellerdiki Uyghur ziyaliylarningmu küchlük tenqidige uchridi.
Bu heqte mulahize yürgüzgen amérikidiki Uyghur ziyaliy ilshat hesen ependi, gheyret séliyofning teshwiqi bayanlirigha birmu-bir reddiye bérip, “Xitay hökümitining buyruqi bilen yézilghan bu maqalining bizge nisbeten ehmiyiti bar déyilse, u peqet xitayning gherizini ashkarilap qoyghanliqi” dep körsetti.
Yuqiridiki awaz ulinishidin, muxbirimizning ilshat hesen ependi bilen ötküzgen mexsus söhbitini anglighaysiz.