Xitay ölkilirigimu Uyghurlardin yallanma saqchi qobul qilinmaqchi

Ixtiyariy muxbirimiz éhsan
2017-03-24
Élxet
Pikir
Share
Print
Uyghur yallanma saqchi. (Waqti we orni éniq emes)
Uyghur yallanma saqchi. (Waqti we orni éniq emes)
Social Media

Ündidardiki "Uyghur saqchi" salunining 21-mart küni élan qilghan xewiridin melum bolushiche, 17-mart küni xitayning Uyghur diyarida turushluq j x idarisi "Shinjang saqchi mektipi" din 500 oqughuchini tallap qeshqer, xoten, aqsu qatarliq rayonlargha üch ayliq möhlet bilen yardemge ewetken.

Ijtima'iy uchur wasitiliride 2-ayning 26-künidin 3-ayning 1-künigiche lyawning, xénen we jyangsu qatarliq xitaydiki töt ölkidin yene 4 ming xitay saqchisini Uyghur diyarining qeshqer, xoten, aqsu we atush qatarliq sheherlirige yötkep kelgen. Atush sheherlik hökümet torbétide 2-ayning 27-künidin 3-ayning 7-künigiche atushta 200 neper saqchi qobul qilidighanliqi, ayliq ma'ashi 5000 som bolidighanliqi we köp miqdarda toluqlima bérilidighanliqi toghrisida uqturush chiqirilghan idi.

23-Mart küni undidarda tarqalghan uchurda körsitilishiche, xitayning jéjyang ölkisi yiwu shehiridiki j x idarisi Uyghurlardin yardemchi saqchi qobul qilish élani tarqatqan. Biz bu uchurgha asasen élandiki nomurgha téléfon qilip ehwal igileshke tirishtuq. Mezkur élanni tarqatqan hemde Uyghurlardin yardemchi saqchi qobul qilishqa mes'ul bolghan saqchi mutellip söhbitimiz dawamida yardemchi saqchi qobul qilish tertipliri, shertliri shundaqla meqsiti heqqide toxtaldi.

Istanbuldiki istiqlal téléwiziyeside xizmet qiliwatqan zhurnalist abduréhim parach ziyaritimizni qobul qilip, xitay da'irilirining saqchi qobul qilish uqturushining köplep tarqilishi, Uyghurlarning yallanma saqchiliqqa iltimas qilmighanliqini, yallanma saqchi we saqchilarning turmushining xatirjemsizliki tüpeyli, gerche bu xizmetning teminati yuqiri bolsimu, emma, Uyghurlarning bu xizmettin bash tartiwatqanliqini özi igiligen ehwallargha birleshtürüp bayan qildi.

Xitay da'irilirining xitay ölkilirigimu Uyghurlardin yallanma saqchi qobul qilishta, u yerdiki Uyghur tijaretchilerni teqib qilishtin bashqa yene, xitay ölkiliride oquwatqan Uyghur oqughuchilarni közitish, nazaret astigha élishni meqset qiliwatqanliqini bildürdi.

Yuqiridiki ulinishtin bu heqtiki programmimizning tepsilatini anglaysiler.

Toluq bet