Tokyoda chaqirilghan 4-nöwetlik asiyada démokratiyini ilgiri sürüsh yighinida Uyghur mesilisi anglitildi

Ixtiyariy muxbirimiz haji qutluq qadiri
2015.02.23
yaponiye-uyghur-mesilisi-ilham-mexmut-sozde.jpg 4-Nöwetlik asiyada démokratiyini ilgiri sürüsh yighinida yaponiye Uyghur jem'iyitining re'isi ilham mahmut sözde. 2015-Yili 21-féwral, tokyo.
RFA/Qutluq

Yaponiye Uyghur jem'iyitining re'isi ilham mahmutning bildürüshiche, 21-féwral tokyoda chaqirilghan 4-nöwetlik asiyada démokratiyini ilgiri sürüsh hemkarliq yighinida Uyghur mesilisi otturigha qoyulghan.

Ilham mahmutning éytishiche, u, bu qétimqi yighinda yéqinda Uyghur élida yüz bergen guma, bay nahiyeliridiki weqeler üstide tepsiliy doklat bergen bolup, yighin'gha qatnashquchilar Uyghur élining nöwettiki bu xil weziyitige özlirining yéqindin köngül bölidighanliqini shundaqla Uyghur mesilisining yaponiyede anglitilishigha alahide küch chiqiridighanliqini bildürüshken.

Tokyoda chaqirilghan bu yighin yaponiyede pa'aliyet élip bériwatqan asiya erkinliki, démokratiyini ilgiri sürüsh hemkarliq teshkilatining sahibxaniliqida, tokyodiki yashlar kulubida ötküzülgen.

Yighin'gha mongghul, tibet, Uyghur qatarliq milletlerning wekilliri we shundaqla yaponiyediki bir qisim kishilik hoquq pa'aliyetchiliri ishtirak qilghan.

Nöwette diqqitinglar, mezkur yighin heqqide yaponiye Uyghur jem'iyitining re'isi ilham mahmut bilen élip barghan söhbitimizde bolghay.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.