D u q ning mu'awin re'isi ilham mahmut xiroshima shehiride Uyghurlar heqqide doklat berdi

Xiroshima shehiride ötküzülgen “Yapon qurultiyi” teshkilatining pa'aliyitide, ilham mahmut ependi yaponluqlar bilen xatire sürette. 2014-Yili 5-awghust, yaponiye.

5-Awghust yaponiyening xiroshima shehiride ötküzülgen “Yapon qurultiyi” teshkilatining pa'aliyitide d u q ning mu'awin re'isi ilham mahmut Uyghurlarning yéqinqi weziyiti heqqide doklat berdi.

Yaponiyede tesiri bir qeder zor bolghan siyasiy teshkilatlardin “Yapon qurultiyi” teshkilatining xiroshima shöbisining sahibxaniliqida élip bérilghan bu pa'aliyitige dunya Uyghur qurultiyining mu'awin re'isi ilham mahmut teklip bilen qatnashqan.

Pa'aliyet xiroshima sheherlik medeniyet almashturush merkizining zalida élip bérilghan bolup pa'aliyetke bir qisim parlamént ezalirimu ishtirak qilghan.

Mezkur pa'aliyet kech sa'et yettidin kech sa'et toqquzgha qeder dawamlashqan. Pa'aliyetke jem'iy 130 kishi qatnashqan.

Mezkur pa'aliyet heqqide, yaponiyediki ixtiyariy muxbirimiz haji qutluq qadiri neq meydan'gha téléfon qilip ilham mahmut bilen söhbet élip bardi.

Awaz ulinishidin tepsilatini anglang.