Токйода чақирилған 10 миң кишилик сәпәрвәрлик йиғиниға уйғурларму қатнашти

Ихтиярий мухбиримиз һаҗи қутлуқ қадири
2015-11-10
Share
yaponiye-asasiy-qanunigha-ozgertish.jpg Токйодики “япон будокан сарийи” да чақирилған “10 миң кишилик японийә асасий қануниға өзгәртиш киргүзүш сәпәрвәрлик йиғини” дин көрүнүш. 2015-Йили 10-ноябир, японийә.
RFA/Qutluq

10-Ноябир токйодики “япон будокан сарийи” да чақирилған “10 миң кишилик японийә асасий қануниға өзгәртиш киргүзүш сәпәрвәрлик йиғини” ға уйғурларму қатнашти.

Мәзкур йиғин японийәдики “гүзәл японийә үчүн асасий қанун турғузуш җәмийити” ниң саһибханилиқида чақирилған. Мәзкур җәмийәт японийәдки әң чоң милләтчиләр гурупписидур.

“японийә вақти” гезитиниң нәқил қилишичә, йиғин тәшкиллигүчилири йиғинға 11 миң 321 адәм қатнашқанлиқини билдүргән.

Японийә баш вәзири шинзо абе йиғинға видеолуқ алаһидә тәбрик сөзи йоллиған вә мундақ дегән: “асасий қанун һазирғичә һеч өзгәртилмиди. Мәнчә 21-әсиргә уйғун бир қанун турғузидиған вақит кәлди.”

Йиғинға японийәдики нопузлуқ истратегийә җәмийәтлиридин-дөләтлик негизлик мәсилиләр тәтқиқат институтиниң қурғучиси, тонулған сиясийон сакурай йошико ханим қатарлиқ мутәхәссисләрму қатнашқан вә сөз қилған.

Бу қетимқи сәпәрвәрлик йиғиниға японийәдики нопузлуқ сиясий тәшкилатларниң вәкиллири вә шундақла токйода паалийәт елип бериватқан уйғур, тибәт, моңғул қатарлиқ тәшкилатларниң вәкиллириму меһман сүпитидә қатнашқан.

Йиғинда японийә асасий қануниға өзгәртиш киргүзүшниң зөрүрлүки тоғрисида мутәхәссисләр түрлүк пилан вә мулаһизиләрни оттуриға қойған.
Йиғин чүштин кейин саәт төткә қәдәр давамлашқан.

Йиғин ахирлашқандин кейин, мәзкур йиғинға қатнашқан японийәдики дуня уйғур қурултийи вәкили доктор турмуһәммәт һашим радиомиз зияритини қобул қилип, японийәдә нөвәттә баш көтүрүватқан өзгәртиш пикри вә 10-ноябир токйода өткүзүлгән сәпәрвәрлик йиғини һәққидики көз қарашлирини билдүрди.

Юқириқи аваз улинишидин тәпсилатини аңлаң.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт