Yaponiyede yaponiye Uyghur birliki teshkilati pa'aliyitini bashlidi

Ixtiyariy muxbirimiz haji qutluq qadiri
2015-12-28
Share
rabiye-duq-yaponiye.jpg D u q rehberliri "Yaponiye Uyghur birliki teshkilati" ning saylimidin kéyin xatire sürette. 2015-Yili 18-öktebir, tokyo.
RFA/Qutluq

Igilishimizche, 26-dékabir dunya Uyghur qurultiyi rehberliri yéqinda yaponiyede qurulghan yaponiye Uyghur birliki teshkilatini resmiy élan qilishni qarar qilghan.

Ziyaritimizni qobul qilghan yaponiye Uyghur birliki teshkilatining re'islikige saylan'ghan doktor turmuhemmet hashim mezkur teshkilatning qurulushi toghrisida chüshenche berdi hemde mezkur teshkilatning yéngidin wezipige teyinlen'gen teshkilat rehberliri heqqide toxtaldi.

Ziyaritimizni qobul qilghan yaponiye Uyghur birliki teshkilatining mu'awin re'isi iqtisadshunas ghalip mijit teshkilatning deslepte yaponiyediki Uyghur jama'iti we yaponiye jem'iyiti üchün némilerni qilishi kéreklikini tekitlidi. U yene, yéngidin qurulghan bu teshkilatning buningdin kéyin élip baridighan qismen pa'aliyetliri heqqide özining deslepki pilanlirini bayan qilip ötti.

Yaponiye Uyghur birliki teshkilatining mudiriyet ezaliridin pelsepe penliri tetqiqatchisi muxterjan abduraxman ziyaritimizni qobul qilip mezkur teshkilatqa bolghan qarashlirini bayan qildi.

Ziyaritimiz jeryanida muxterjan abduraxman yéngidin qurulghan teshkilatidin özining Uyghur dawasi üchün némilerni kütidighanliqini eskertip ötti.

Uzun yillardin buyan yaponiye élip bériliwatqan Uyghur kishilik hoquq pa'aliyetlirini izchil qollap kéliwatqan we bu qétimqi saylamgha sirttin közetküchi süpitide qatnashqan sato ependi saylam heqqide toxtilip: "Bu qétimqi saylam Uyghurlarni asas qilghan halda adil élip bérilghan saylam boldi dep oylaymen. Elwette biz yaponlar bu teshkilatqa köprek Uyghurlarning eza bolushini ümid qilimiz" dédi.

Yaponiyediki bir qisim Uyghur siyasiy mesililiri tehlilchilirining éytishiche, yaponiye Uyghur birliki teshkilati 2008-yili tokyoda qurulghan tunji yaponiye Uyghur jem'iyitidin kéyin qurulghan Uyghur teshkilatliridin biri hésablinidiken.

Yuqiriqi awaz ulinishidin tepsilatini anglang.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet