Yawropa türk démokratliri birlikining pa'aliyitide Uyghur mesilisi anglitildi

Shiwétsiyede pa'aliyet qiliwatqan yawropa türk démokratlar birlikining shiwétsiyediki shöbisi, türklerning shiwétsiyege yerleshkenlikining 50 yilliqi munasiwiti bilen ötküzülgen pa'aliyetke Uyghurlarmu alahide teklip bilen qatnashti.

Pa'aliyet 13-dékabir shenbe küni, sitokholmning fittya rayonigha jaylashqan pa'aliyet zalida ötküzüldi.

Pa'aliyetke türkiyedin alahide teklip qilin'ghan türkiye milliy ma'arip ministirliqining mu'awin ministiri orhan erdem, türkiyening stokholmda turushluq bash elchisi ömer kaya türkmen, yawropa türk démokratlar birlikining re'isi sulayman chélik, Uyghur ma'arip uyushmisining re'isi exmetjan tursun bashchiliqida hey'et ezaliri we shiwétsiyede yashawatqan türklerdin bolup 1000 din artuq kishi qatnashti.

Biz bu toghrisida tepsiliy melumat élish üchün Uyghur ma'arip uyushmisining re'isi exmetjan tursunni ziyaret qilduq.

Pa'aliyet dawamida, Uyghur ma'arip uyushmisining re'isi exmetjan tursun, mu'awin ministir orhan erdem qatarliq ministir we parlamént ezalirigha Uyghur ma'arip uyushmisi teripidin layihilinip basturulghan sharpa hediye qildi.