Qaraqash chiniwagh saqchi xadimi: "Kentimizde nopusning 40% i terbiyelesh merkizide"

Muxbirimiz shöhret hoshur
2018-06-12
Share
herbiy-saqchi-uyghur-boway.jpg Uyghur bowayning kocha charlawatqan xitay qoralliq eskerlirining yénidin ötüp kétiwatqan körünüshi. 2009-Yili 9-iyul, ürümchi.
AP

Qaraqash nahiye bazirining chiniwagh saqchi xadimi, bazar ichidiki yéngi sheher kentide 1700 nechche a'ile barliqi, bulardiki nopusning 40% ining nöwette terbiyelesh merkizide ikenlikini ashkarilidi. Bu kentte nöwette yashan'ghanlar we balilarningla lagér sirtida qalghanliqini bayan qilghan mezkur saqchi xadimi, kenttiki déhqanchiliqni yashan'ghanlar qiliwatqanliqi, bezi peqetla emgek küchi qalmighan a'ililerning térilghu yerlirini kent yighiwélip bashqilargha ötküzüwétip barghanliqini bayan qildi.

Melum bolushiche, chiniwagh saqchixanisi qaraqash nahiye baziridiki birqanche saqchixanidin biri. Nahiye bazirining merkizige jaylashqan chiniwagh saqchixanisigha, qaraqash bazirigha qarashliq 24, kent ahaliler komitétining 11 i we 2 ahaliler rayoni qaraydu. Buning ichide yéngisheher kentide 1700 nechche nopus bar bolup, bu nopusning nöwette 40% i yighiwélish lagérida. Yene saqchi xadimining déyishiche, mezkur saqchixanigha qarashliq bashqa kentlerning beziliridin yighiwélish lagérigha apirilghanlar 40% din töwen, bezilirining bolsa 40% din yuqiri.

Hazirghiche Uyghur rayonidin igiligen uchurlirimizda yéngisarning 13 ming nopusluq topluq yézisidin 2000 ademning, yeni nopusning 15% ning, qaraqashning 34 ming nopusluq purchaqchi yézisidin 5000 che kishining, yeni nopusning 15% ning, toqquzaqning 33 ming nopusluq bulaqsu yézisida 3314 kishining, yeni nopusning 10% ning lagérda ikenliki delillen'gen idi. Qaraqash aqsaraydiki kent sékrétari, shu chaghda nopusning 40% ni terbiyeleshke apirish dep uqturush barliqini, özining bu wezipini ada qilip bolmighanliqini bayan qilghan idi. Biz yene qaraqashning bashqa yéziliridiki ahalilerning lagérgha apirilish nisbitini uqup béqish alaqidar saqchixanilargha téléfon qilduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.