Сулайман гу: «уйғурлар тоғрилиқ һәқ гәп қилғанлиқим үчүн малайсиядики хитайпәрәсләрниң тәһдитигә учридим»

Мухбиримиз меһрибан
2020-03-31
Елхәт
Пикир
Share
Принт
Сулайман гу өзиниң твиттер һесабатиға чиқарған сүрәт.
Сулайман гу өзиниң твиттер һесабатиға чиқарған сүрәт.
Social Media

Игилишимизчә, йеқиндин буян хитай һөкүмитиниң малайсияға қаратқан сиясий тәшвиқати нәтиҗисидә малайсияда хитай һөкүмитиниң уйғурларға қаратқан бастуруш сияситини яқлайдиған бир түркүм хитайпәрәсләрниң тордики тәшвиқатлири күчәйгән. Улар хитай һөкүмитиниң уйғур сияситини тәнқитлигүчиләргә қарита твитер қатарлиқ иҗтимаий таратқуларда һуҗум қозғап, уларға ашкара тәһдит селишқа башлиған.

Нөвәттә американиң җорҗийә университетида доктор аспирантлиқида оқуватқан сулайман гу әпәнди иҗтимаий таратқуларда уйғурлар мәсилисини актип аңлитип келиватқан туңган паалийәтчисидур.

Сулайман гу әпәнди радийомиз зияритини қобул қилип, өзиниң хитай вә малай тилидики тивиттер һесабида хитай һөкүмитиниң уйғурларға қаратқан бастуруш сияситини әйиблигәнлики үчүн малайсиядики хитайпәрәс торкезәрлириниң һуҗуми вә тәһдитигә учриғанлиқини аңлатти.

Сулайман гу әпәндиниң баян қилишичә, униңға һуҗум қилған тор чомақчилири униң уйғурларниң хитай һөкүмитиниң бастурушиға учраватқанлиқи һәққидики язмилириға қарита торда инкас йезиш арқилиқ һуҗум қилған.

Сулайман гу әпәндиниң билдүрүшичә, малайсиядики хитайпәрәс тор кезәрләр «сулайман гуниң язмилири малайсия дөлитиниң мәнпәәтигә зиян йәткүзиду» дәп әйиблигән. Улар йәнә малайсиялиқ тордашларни сулайман гуниң хитай һөкүмитиниң уйғурларни бастуруватқанлиқи һәққидики язмилириға зәрбә беришкә дәвәт қилған.

Сулайман гу әпәнди тивиттердики хитайпәрәс тор кезәрләрниң өзигә қилған һуҗуми вә тәһдитлик инкаслиридин төвәндики хатириләрни йоллап бәрди.

Инкасларда мундақ дейилгән: «сулайман гуниң малай тилини өгиниши сиясий мәқсәт үчүн болған. У малайсиядики мусулманлар арисида уйғурларниң бастурулуватқанлиқи һәққидики темини тәшвиқ қилиш мәқситидә малай тили өгәнгән. У хоңкоңлуқларни қоллаш намайишидиму мушу темини тәшвиқ қилди. У һазир малайсиядики көплигән хитай тиллиқ пуқраларниң хитайға қарши турмиғанлиқини көрүп, өзиниң бу тәшвиқатини башлиған. Бу хилдики хоңкуң вә тәйвәнни қоллаш намида елип бериливатқан тәшвиқатлар малайсия пуқралар арисида миллий өчмәнликни пәйда қилиду. Башқиларниң хитайға болған өчмәнликиниң малайсия пуқралири билән алақиси йоқ. Бу йәрдә ‹хитай өчмәнлики' тарқитишниң немә зөрүрийити бар?! шуңа тор башқурғучи униңға охшаш кишиләрни сөһбәт сорунидин чиқиривәткәндила андин малайсияда тинчлиқ болиду.»

Сулайман гу әвәткән инкасларда йәнә хитайпәрәс тор чомақчилириниң сулайман гуниң язмилирини давамлиқ елан қилишини тосуш үчүн униң үстидин малайсиядики хитай әлчиханисиға әрз қилиш, һәтта уни өлтүрүветиш тәшәббуслири оттуриға қоюлған.

Бу хил инкасларда йәнә мундақ дейилгән: «униң аилә архипини билидиғанлар униң шәхсий материяллирини бу йәргә йоллап қоюңлар. Бундақ адәмни немишқа өлтүрүвәтмәймиз? уни қасқанда пүтүн пети дүмләп пишурамдуқ? уни малайсиядики хитай әлчиханисиға әрз қилип, бу шинҗаңлиқ террорчини тутқузуветишимиз керәк. Униң сөзлирини испат қилип топлап, малайсиядики хитай әлчиханисиниң елхәт адресиға йоллап берәйли.»

Зияритимизниң ахирида сулайман гу әпәнди йәнә малайсиядики хитайпәрәс тор чомақчилириниң бу хилдики һуҗумлириға сәл қаримаслиқ керәкликини тәкитлиди.

У сөзидә хитай һөкүмитиниң хәлқарадики абруйи барғанчә чүшүп кетиватқан бүгүнкидәк шараитта малайсияға охшаш мусулман дөләтлиригә иқтисадий мәнпәәт бериш усулини қоллиниватқанлиқини, бу дөләтләрдики хәлқләр арисида сиясий тәшвиқатини күчәйтиш арқилиқ хитай һөкүмитиниң хәлқарадики иҗабий образини сақлап қелишқа урунуватқанлиқини билдүрди.

Пикирләр (0)
Share
Толуқ бәт