Sha'ir tahir hamut izgil: “Shé'irlirimda xelqimning béshigha kelgen külpetler eks étidu”

4-Iyun küni, norwégiyening paytexti osloda ötküzülgen 2024-yilliq “Oslo erkinlik munbiri” (OFF) de Uyghur edib we sha'ir tahir hamut izgil ependi “Kishilik hoquq fondi” teripidin tarqitilidighan “Waslaw xawél xelq'ara ijadiy öktichilik mukapati” (Václav Havel International Prize for Creative Dissent) ni tor arqiliq tapshuruwalghan.

Mezkur mukapat, kishilik hoquq fondining qurghuchisi tsor xalworsén (Thor Halvorssen) éytqandek, jasaret we ijadchanliq arqiliq zorawanliqlarni ashkarilap bergen öktichilerge bérilidighan mukapat idi.

Facebook/Tahir Hamut Izgil

Sha'ir tahir hamut izgil ependining radiyomizgha bildürüshiche, uning bu mukapatqa érishishige “Kéchide tutqun qilinishni kütüsh” namliq eslime kitabi asasliq rol oynighan. “Kishilik hoquq fondi” bu kitabqa “Uyghurlargha qaritiliwatqan irqiy qirghinchiliqni dunyagha ashkarilashta rol oynighan az sandiki guwahliqlarning biri” dep baha bergen.

U mukapatni tapshuruwélish üchün neq meydan'gha baralmighan bolsimu, özining “Jawab” namliq shé'irini “Oslo erkinlik munbiri” ning yighin zalidiki chong ékranda déklamatsiye qilish arqiliq özining yürek sözlirini ipadiligen.

Facebook/Tahir Hamut Izgil

Ey bizge güzel bir zawalni niyet qilghuchi,

Jahil köchetlirimizning zer bixliridin qorq.

Mezkur söhbetning tepsilatini yuqiriqi awaz ulinishidin anglighaysiz.