Shwétsiyide échilghan " 11 ‏-Séntebir weqesining ziyankeshlikige uchrighan milletler" namliq yighinda Uyghurlar mesilisi asasliq témigha aylandi

Bügün 11 ‏-séntebir weqesining 11 yilliq xatire küni. Bu munasiwet bilen shiwitsiyidiki " Karta 2008" namidiki insan heqliri teshkilati " 11 ‏-Séntebirdin kéyinki xelqara térrorimgha qarshi herikette ziyankeshlikke uchrighan milletler" dégen témida yighin ötküzdi.

2012-09-11
Share
Guantanamo-turmisi-305.jpg Süret, guantanamo türmisidin bir körünüsh.
AFP Photo

Yighinda Uyghurlar mesilisi asasliq témigha aylinip, nöwette gu'antanamoda yétiwatqan 3 neper Uyghur mehbusning ehwali, gu'antanamodin quyuwétilgen Uyghurlarning turmush mesililiri we nöwettiki Uyghur weziyiti heqqide pikir we mulahiziler, shundaqla gu'antanamodiki 3 neper Uyghurni qutquzushning yolliri heqqide teklipler sunuldi. Yighin'gha gu'antanomodin qoyuwétilgen sabiq mehbus adil abdulhékimmu qatnashti

Bu yighin'gha shiwitsiyidiki Uyghur ma'arip uyushmisimu teklip bilen qatnashqan. Yighinda shiwitsiyidiki insan heqliri pa'aliyetchiliri bilen birlikte, bir qisim adwokatlar, axbaratchilar we bir neper parlamént ezasimu qatnashqan. Yighinda shiwitsiyidiki  Uyghur ma'arip uyushmisining re'isi nijat turghun nöwettiki Uyghur weziyiti heqqide melumat bergen.  Nijat turghunning bildürüshiche, yighin qatnashquchiliri, 11 ‏-séntebir weqesidin kéyinki xelq'ara térrorizmgha qarshi herikette, eng köp ziyankeshlikke uchrighan milletning Uyghurlar ikenlikini, xitayning 11 ‏-séntebirdin kéyin xelq'ara muhittin paydilinip, Uyghurlargha qarita basturush heriketlirini hessilep küchlendürgenlikini otturigha qoyghan. Yighinda sabiq mehbus adil abdulhékimning adwokatimu söz qilip , adil abdulhékimning hayatini, bolupmu uning gu'antanamodin qoyuwétilgendin kéyinki  hayat xatirisini misalgha élip, gu'antanamoda yétiwatqan 3 Uyghurningmu, adil abdulhékimge oxshash kishilerdin ikenlikini, ularning peqet weten we millitining qayghusini yigen we uning üchün özini atighan alijanap kishilerdin bolghanliqi üchünla bügünki kün'ge muptila bolghanliqini chüshendürgen. Yighin qatnashchiliri Uyghurlar mesilini, jümlidin gu'antanamodiki Uyghurlar mesililirini shiwitsiye xelqi we xelq'ara jama'etke keng kölemde tonushturush, bu arqiliq  gu'antanamodiki 3 Uyghurning qoyuwétilishi we qobul qilinishi üchün  küchlük bir  xelq'ara jama'et pikri hasil qilishta pikir birlikige kelgen. Yighin qatnashquchiliridin sabiq mehbus adil abdulhékim ziyaritimizni qobul qilip, özining bügünki yighin tesirati heqqide pikir bayan qildi. Adil abdulhékim shwétsiyidiki hayat tesiratliri heqqidimu toxtaldi؛ uning bildürüshiche, u  shwétsiyige kelgendin kéyin özining kechmishi seweblik herqandaq gheyriy normal mu'amilige uchrimighan, eksiche shwétsiyilikler uni tonup qalghan ehwalda qizghin salamliship, uninggha hörmet bildürgen.  Adil abdulhékim sözining axirida u gerche shwétsiyide köp imkanlargha we qollashlargha érishken bolsimu özini  téxi xatirjem his qilip bolalmighanliqini tilgha élip mundaq dédi:
"  Menche herqandaq bir adem, ana wetini ishghaliyettin , xelqi zulumdin qutulmay turup tel-töküs xatirjemlikke érishelmeydu, menmu shu."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet