2008 - Yili we türkiyidiki Uyghur dawasi

2008 - Yili axirliship 2009 - yili kéley dep qalghan bügünki künde pütün sherqiy türkistan ammiwi teshkilatliri 2008 - yili élip barghan pa'aliyetlirini xulase qilip, 2009 - yili élip barmaqchi bolghan pa'aliyetlirining pilanini tüzmekte.
Muxbirimiz erkin tarim
2008-12-30
Élxet
Pikir
Share
Print
Süret, 8 - awghust künidiki namayishta özige  bénzin chéchip ot qoyuwetken memet tursun uyghur türkoghli "yashisun sherqi türkistan!" dep tawlimaqta. Éghir yaridar bolghan memet tursun ependi qutuldurush mashinisi bilen doxturxanigha élip kétilgen. Memet tursun ependi 4 - ayning 3 - küni istanbulda olimpik meshilini öchürüshke temshilip muweppeqiyetlik bolalmighan iken.
Süret, 8 - awghust künidiki namayishta özige bénzin chéchip ot qoyuwetken memet tursun uyghur türkoghli "yashisun sherqi türkistan!" dep tawlimaqta. Éghir yaridar bolghan memet tursun ependi qutuldurush mashinisi bilen doxturxanigha élip kétilgen. Memet tursun ependi 4 - ayning 3 - küni istanbulda olimpik meshilini öchürüshke temshilip muweppeqiyetlik bolalmighan iken.
AFP Photo

Bulardin biri türkiyide aktip pa'aliyet élip bériwatqan sherqiy türkistan medeniyet we hemkarliq jem'iyitidur. Bular 2008 - yili d u q bilen hemkarlashqan halda türkiyide intayin muhim pa'aliyetlerni élip bérip, dunya metbu'atlirida yer aldi.

Bu pa'aliyetlerdin muhimliri 4 - ayning 4 - küni istanbul sultan exmet meydanida olimpik mesh'ilini kütiwélish murasimida ötküzülgen namayish we 8 - ayning 8 - küni xitayning enqerede turushluq bash elchixanisining aldida ötküzülgen namayishta memet tursun isimliq bir Uyghurning özige ot qoyuwélishi idi. Bu pa'aliyetlerge pütün dunya metbu'atlirida yer bérildi.

Bulardin bashqa 2008 - yili ichide d u q mu'awin bashliqi séyit tümtürk ependi, sherqiy türkistan medeniyet we hemkarliq jem'iyiti enqere shöbisi bashliqi xeyrullah efendigil ependining bashchiliqidiki hey'et, Uyghur dewasini türk rehberlirige we türk siyasetchilirige anglitish üchün türkiye re'is jumhuri abdullah gül, bash ministiri rejep tayip erdoghan bilen uchrashti, ulargha xitaylarning Uyghurlargha élip bériwatqan bésim siyasitini anglatti.

Bulardin bashqa 2008 - yili ichide d u q ning yolyoruqigha bina'en sherqiy türkistan medeniyet we hemkarliq jem'iyiti türkiyining her qaysi wilayetlirige hey'et ewetip, yighinlar chaqirip sherqiy türkistan mesilisini anglatti.

Bularning hemmisi Uyghur mesilisining türk metbu'atlirida 100 qétimdin köprek yer élishigha seweb boldi. D u q mu'awin bashliqi séyit tümtürkning déyishiche, 2008 - yili béyjing olimpik musabiqisining xitayda ötküzülüshi we birleshken döletler teshkilatining 2008 - yilini mehmut qeshqiri yili élan qilishi, Uyghur mesilisining türkiyining dawamliq küntertipige kélishige seweb bolghan.

2008 - Yili türkiyide élip bérilghan pa'aliyetler heqqide tepsiliy melumat élish üchün d u q mu'awin bashliqi, sherqi türkistan medeniyet we hemkarliq jem'iyiti bashliqi séyit tümtürk ependi bilen söhbet élip barduq.


Toluq bet