Xitay saqchilirining 5 - iyuldin kéyinki tutqunlirida nomursiz aptomobil ishlitishi némini chüshendüridu?

Muxbirimizning 5 - iyuldin kéyin iz - déreksiz ghayip bolghanlarni éniqlashliri dawamida, xitay saqchilirining bu mezgilllerde adem tutqanda öz kimliklirini yoshurghanliqi, jümlidin aptomobilining nomur taxtisini éliwetken yaki üstini lata bilen étip qoyghanliqi ashkarilandi. Eqelliy bir melumat shuki, adette qanun döletliride saqchilar wezipe ötigende forma kiyim we xizmet aptomobili bilen kelgendin bashqa, aldi bilen özining kimlikini melum qilidu. Undaqta xitay qoralliq küchlirining mezkur qilmishi qandaq bir buyruq yaki qandaq bir weziyetning inkasi?
Muxbirimiz shöhret hoshur
2012-09-28
Share
urumqi-weqesi-305 5 - Iyul weqesidin kéyin, ürümchi kochilirida xitay qoralliq saqchilirining "qanunsiz unsurlarni qattiq jazalash" dep yézilghan pilakat arqisda turghan körünüshliri.
Photo: RFA


Melum bolushiche, ghayiplardin xoten qariqashliq exmetjan jüme, ürümchidiki bir kechlik bazardin tutup kétilgende, xitay saqchiliri nomursiz aptomobil ishletken. Shunga saqchilar uni küpkündüzde tutup ketken bolsimu, qoshna dukandikiler saqchilarning kimlikini bilelmigen. Nöwette exmetjan jümening a'ilisi uni tutup ketken saqchilarnning qaysi saqchixanining saqchiliri ikenlikidinmu xewersiz. Bu ehwal ularning exmetjan jümeni izdishige zor tosalghu peyda qilmaqta.

Ürümchi döngköwrükte dukan échiwatqan ekber tursunni tutup ketken saqchilar, saqchi aptomobilida kelgen bolsimu, saqchi aptomobilining nomuri lata bilen tosuwétilgen.

Yene melum bolushiche, bulaq béshida olturushluq zakirjan memet we muxter mexet qatarliq 9 kishini tutup mangghanda, 9 kishining a'ile - tawabatliri saqchilarni tonuwélish, nege élip mangghanliqini biliwélish üchün saqchilarning arqisidin mangghinida, saqchilar köz yashartquch bomba étip, ularni arqisigha chékindürgen we tonuwélishining aldini alghan.

Hörmetlik radi'o anglighuchilar, biz saqchilarning tutqun qilish jeryanida kimliklirini yoshurushi, jümlidin nomursiz aptomobil ishlitishi qandaq bir ehwal, bu qandaq bir weziyetning inkasi dégen timida sabiq adwokat bextiyar ömer ependi bilen sohbetleshtuq. Bextiyar ependining qarishiche, xitay qoralliq küchlirining wezipe ijra qiliwatqanda öz kimlikini yoshurushi, ularning tutqun dawamida délo tekshürüsh üchün emes, höküm ijra qilish üchün kelgenlikini, yeni Uyghurlarning 5 - iyuldin kéyin jinayet gumandarila emes, belki jinayetchi dep qaralghanliqini, shunga saqchilarning wezipe ijra qilghanda öz kimliklirini yoshurghanliqini bayan qildi. Bextiyar ependi mezkur ehwalni Uyghur rayonida dawam qiliwatqan urush weziyitining bir ispati dep körsetti. Uning qarishiche, xitay da'iriliri 5 - iyuldin kéyin Uyghurlargha qarshi urush halitige ötken, shunga saqchiliri wezipe ijra qiliwatqanda délo tekshürüsh üchün emes, belkim höküm ijra qilish, jinayetchi dep qarighan kishiliri boysunmighan ehwlda derhal étip tashlashqa hazir halette barghan. Bextiyar ependi yene, 5 - iyuldin kéyin intérnét we téléfonning késilishi, kündüzdimu kochigha chiqishning cheklinishi qatarliq ehwallarni bir urush weziyitining inkarsiz pakitliri dep körsetti؛ u bu weziyetning rayonda hélihem dawam qiliwatqanliqini alahide eskertip ötti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet