'5 - Iyul' namayishchiliridin biri en'gliyide siyasiy panahliqqa érishti

Uyghur élida 5 - iyul namayishigha qatnashqanlarni tutush we jazalashning toxtimasliqi seweblik Uyghur yashlirining yurtidin qéchish, möküsh we hijret qilish ehwalliri dawamlashmaqta. 5 ‏- Iyul namayishigha qétilghan yashlardin biri, birqanche ay xitay ölkiliride möküp yürgendin kéyin, bu yil 4 ‏- ayda xongkong arqiliq, en'gliyige qéchip kelgen.
Muxbirimiz shohret hoshur
2010.10.29
Share on WhatsApp
Share on WhatsApp
Xitay-saqchiliri-puqraliri-birge-Uyghurgha-hujum-305.jpg Youtube Din élinghan bu sürette, 7 - iyul küni, ürümchidiki xitay puqralirining xitay armiyisining hémayisi astida uyghurlarni kaltek - chomaqlar bilen urup, öltürüp, insan qélipidin chiqqan wehshilikliridin bir körünüsh.
Youtube Din élindi.

Uning siyasiy panahliq iltimasi deslepte ret qilin'ghan bolup, tünügünki axirqi sotta iltimasi qobul qilin'ghan.

5 - Iyul namayishigha qétilghan yashlardin biri, shu kündiki tutqundin aman qalghan؛ emma, u waqit ötkenséri bir qisim dostlirining tutulup kétiwatqanliqini we ghayip bolup kétiwatqanliqini bayqap endishige chüshken. U bir mehel weziyetni közitish üchün, xitay ölkiliride möküp yürgen, emma weziyette ongshilish bolmighandin kéyin, chet'elge qéchip chiqqan.

U bu yil 6 ‏- ayda en'gliyige yétip kélip siyasiy panahliq tiligen. Deslepte bu yashning siyasiy panahliq iltimasi, "xitaygha qaytsa xeter ehwalda qalidighanliqigha a'it pakitlar yéterlik emes" dégen seweb bilen ret qilin'ghan.

Arqidin uning adwokati we dunya Uyghur qurultiyi qatarliq teshkilatlar teminligen melumatlargha asasen, tünügün, en'gliye köchmenler idarisi bu Uyghur yashning siyasiy panahliq iltimasini qobul qilghan.

U bügünki ziyaritimiz dawamida özining namayishqa qatnishishning aldida xiyaligha kelgen oy - pikirliri we en'gliyide siyasiy panahliq tilesh jeryanida béshidin otken bir qisim ensiz ehwallar heqqide melumat berdi.
 
U ziyaritimiz axirida chet'elge chiqip siyasiy panahliq tilimekchi bolghanlarning mumkin qeder öz ehwalini ispatlaydighan matériyallarni birlikte élip chiqishini؛ eger quruq qol chiqqan ehwalda, bir qatar qiyinchiliqlargha duch kélidighanliqini eskertip ötti we dunya Uyghur qurultiyi qatarliq teshkilatlargha minnetdarliqini bildürdi.

Yuqiridiki awaz ulinishidin, bu heqtiki melumatimizning tepsilatini anglaysiler.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.