Түркийә гезитидә албанийидики уйғурлар тоғрисида учур тарқалди

Түркийидә чиқидиған түркийә гезитиниң 2012 - йили 29 - июндики санида “чоң паҗиәниң қурбанлири албанийидә” дегән темида бир зиярәт хатириси елан қилинди. Бу зиярәт хатирисидә гуәнтанаму түрмисидин қоюп берилип албанийидә яшаватқан уйғурларниң иҗтимаи түрмуш һаяти вә арзу - истәклири тоғрисида улар билән елип барған соһбәткә орун берилгән.
Ихтияри мухбиримиз арслан
2012-06-29
Share
albaniyediki-uyghurlar-305.png Түркийә гезитиниң “чоң паҗиәниң қурбанлири албанийидә” дегән темида зиярәт мақалиси
RFA/Arslan


Бу зиярәт хатирисигә йәнә чоң хәтләр билән, албанийидики уйғурлар ипадиләнгән: “вәтинимизни тартивалди” дегән темида қошумчә нам берилгән. Бу зиярәт хатириси түркийә гезитиниң баш темиси болуп, чоң хәтләр билән йезилип елан қилиниди. Бу зиярәт хатирисидә йәнә албанийидә яшаватқан уйғурларниң дуня хәритисидин уйғур диярини көрситиватқан көрүнүшниң чоң һәҗимлик сүритиму қошуп елан қилинған.

Зиярәт хатирисидә мундақ дейилгән: йирақларда үмид көп, өз вәтинини бир минутму исидин чиқармиған уйғурлар, сеғиниш ичидә, һәсрәтлик һаятниң бир күни, висалға йетидиған күнләрниң келидиғанлиқиға үмид билән қарап һаятқа интилип яшайду. Өз вәтинини хәритидин көрситиватқан чағдиму чоңқур бир аһ! тартқанлиқи ипадиләнгән.

Түркийә гезитидә елан қилинған бу һәқтики зиярәт хатирисидә йәнә, албанийидә яшаватқан уйғурларниң түркийә гезитиниң зияритини қобул қилғанлиқиға мәмнун болғанлиқини ипадиләп, албанийигә ташливитилгән уйғур түрклири, ишиклирини түркийә гезитиниң мухбирлири осман сағирли билән адәм дәмергә ачти дейилгән.

Зиярәт хатирисидә йәнә мундақ дейилгән: җәһәннәмдә бикардин сәвәбсиз азап тартқан 4 уйғур түрмидин қоюп берилгәндин кейин игә - чақисиз қалди. У мусапирлар 6 йилдин буян албанийидә яшимақта. Улар йеңидин той қилди, аилә - балилири дөләт пуқраси болған болсиму, улар һазирму вәтәнсизлик ичидә яшимақта.

Зиярәт хатирисидә йәнә, түркийә гезитиниң мухбирлири, гуәнтанаму түрмисидин қоюп берилип, албанийидә яшаватқан, әбубәкирқасим, әхмәт адил, әхтәр қасим вә басит қатарлиқ 4 уйғурни зиярәт қилғанлиқини, улар билән биргә уйғур таамлиридин полу йәп олтуруп сөһбәт қилғанлиқини язған.

Зиярәт хатиридә албанийидә яшаватқан әбубәкир қасимниң, паспорт алса түнҗи болуп һәҗ қилиш үчүн сәудий әрәбистанға бериш арзуси барлиқини, әхмәт адилниң паспорт алған тәқдирдә түнҗи болуп түркийигә бериш арзуси барлиқини язған.

Зиярәт хатирисидә йәнә, албанийидики уйғурларниң өз вәтәнлирини бәк сеғинғанлиқини ипадиләп мундақ дейилгән: бәк яхши көридиған вәтинини хәритидин бизгә көрсәткән уйғурлар, вәтәнсизлик һәсритиниң бир күни чоқум висалға йетидиғанлиқини үмид қилип яшаватқанлиқини ипадилиди.

Түркийә гезитиниң рәсми тор бетидә бу һәқтә елан қилинған учурлар билән биргә, албанийидә яшаватқан уйғурлар билән елип барған сөһбәтниң синалғу көрүнүши елан қилинди.

Төвәндә, шу сөһбәтниң мәзмунини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт