Türkiye gézitide albaniyidiki Uyghurlar toghrisida uchur tarqaldi

Türkiyide chiqidighan türkiye gézitining 2012 - yili 29 - iyundiki sanida “Chong paji'ening qurbanliri albaniyide” dégen témida bir ziyaret xatirisi élan qilindi. Bu ziyaret xatiriside gu'entanamu türmisidin qoyup bérilip albaniyide yashawatqan Uyghurlarning ijtima'i türmush hayati we arzu - istekliri toghrisida ular bilen élip barghan sohbetke orun bérilgen.
Ixtiyari muxbirimiz arslan
2012.06.29
Share on WhatsApp
Share on WhatsApp
albaniyediki-uyghurlar-305.png Türkiye gézitining “Chong paji'ening qurbanliri albaniyide” dégen témida ziyaret maqalisi
RFA/Arslan


Bu ziyaret xatirisige yene chong xetler bilen, albaniyidiki Uyghurlar ipadilen'gen: “Wetinimizni tartiwaldi” dégen témida qoshumche nam bérilgen. Bu ziyaret xatirisi türkiye gézitining bash témisi bolup, chong xetler bilen yézilip élan qilinidi. Bu ziyaret xatiriside yene albaniyide yashawatqan Uyghurlarning dunya xeritisidin Uyghur diyarini körsitiwatqan körünüshning chong hejimlik süritimu qoshup élan qilin'ghan.

Ziyaret xatiriside mundaq déyilgen: yiraqlarda ümid köp, öz wetinini bir minutmu isidin chiqarmighan Uyghurlar, séghinish ichide, hesretlik hayatning bir küni, wisalgha yétidighan künlerning kélidighanliqigha ümid bilen qarap hayatqa intilip yashaydu. Öz wetinini xeritidin körsitiwatqan chaghdimu chongqur bir ah! tartqanliqi ipadilen'gen.

Türkiye gézitide élan qilin'ghan bu heqtiki ziyaret xatiriside yene, albaniyide yashawatqan Uyghurlarning türkiye gézitining ziyaritini qobul qilghanliqigha memnun bolghanliqini ipadilep, albaniyige tashliwitilgen Uyghur türkliri, ishiklirini türkiye gézitining muxbirliri osman saghirli bilen adem demérge achti déyilgen.

Ziyaret xatiriside yene mundaq déyilgen: jehennemde bikardin sewebsiz azap tartqan 4 Uyghur türmidin qoyup bérilgendin kéyin ige - chaqisiz qaldi. U musapirlar 6 yildin buyan albaniyide yashimaqta. Ular yéngidin toy qildi, a'ile - baliliri dölet puqrasi bolghan bolsimu, ular hazirmu wetensizlik ichide yashimaqta.

Ziyaret xatiriside yene, türkiye gézitining muxbirliri, gu'entanamu türmisidin qoyup bérilip, albaniyide yashawatqan, ebubekirqasim, exmet adil, exter qasim we basit qatarliq 4 Uyghurni ziyaret qilghanliqini, ular bilen birge Uyghur ta'amliridin polu yep olturup söhbet qilghanliqini yazghan.

Ziyaret xatiride albaniyide yashawatqan ebubekir qasimning, pasport alsa tünji bolup hej qilish üchün se'udiy erebistan'gha bérish arzusi barliqini, exmet adilning pasport alghan teqdirde tünji bolup türkiyige bérish arzusi barliqini yazghan.

Ziyaret xatiriside yene, albaniyidiki Uyghurlarning öz wetenlirini bek séghin'ghanliqini ipadilep mundaq déyilgen: bek yaxshi köridighan wetinini xeritidin bizge körsetken Uyghurlar, wetensizlik hesritining bir küni choqum wisalgha yétidighanliqini ümid qilip yashawatqanliqini ipadilidi.

Türkiye gézitining resmi tor bétide bu heqte élan qilin'ghan uchurlar bilen birge, albaniyide yashawatqan Uyghurlar bilen élip barghan söhbetning sin'alghu körünüshi élan qilindi.

Töwende, shu söhbetning mezmunini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.