Америка авам палата әзаси киристофер смит арзугүл мәсилиси һәққидә хитайға наразилиқ хети язди

Америка авам палата әзалиридин Christopher Smith арзугүл турсун мәсилиси һәққидә хитай һөкүмитигә наразилиқ билдүрди. У наразилиқида, хитай һөкүмитини вәһшиликни тохтитишқа, йәни арзугүл турсунға қарита елип берилмақчи болған бала чүшүрүш оператсийисидин ваз кечишкә чақирди.
Мухбиримиз шөһрәт һошур
2008-11-14
Елхәт
Пикир
Share
Принт
Америка авам палата әзалиридин Christopher Smith арзугүл турсун мәсилиси һәққидә хитай һөкүмитигә наразилиқ билдүргән болуп, сүрәт, Smith әпәндиниң хитай һөкүмитини вәһшиликни тохтитишқа, йәни арзугүл турсунға қарита елип берилмақчи болған бала чүшүрүш оператсийисидин ваз кечишкә чақирған байанатиниң өз тор бетидики көрүнүши.
Америка авам палата әзалиридин Christopher Smith арзугүл турсун мәсилиси һәққидә хитай һөкүмитигә наразилиқ билдүргән болуп, сүрәт, Smith әпәндиниң хитай һөкүмитини вәһшиликни тохтитишқа, йәни арзугүл турсунға қарита елип берилмақчи болған бала чүшүрүш оператсийисидин ваз кечишкә чақирған байанатиниң өз тор бетидики көрүнүши.
www.chrissmith.house.gov

Christopher Smith Америка һөкүмити дөләт мәҗилисиниң хитай ишлири комитетиниң мәсулидур. У бу наразилиқини түнүгүн чүштин кейин, хитайниң вашингитон баш әлчиси Zhou Wenzhong ға йәткүзди.

Christopher Smith Ниң наразилиқ баянатида мундақ дейилиду: " нөвәттә уйғур аял арзугүл турсун дохтурханида назарәт астида туруватиду вә бала чүшүрүштин ибарәт қорқунчлуқ бир оператсийини күтүп ятиду. Мән хитай һөкүмитиниң бу оператсийини қилмаслиқини тәләп қилимән."
" Америка һөкүмити вә инсан һәқлири тәшкилатлири арзугүлниң әһвалини һәм униң аилә - тавабатиниң әһвалини давамлиқ көзитип маңиду."

Пиланлиқ туғут хитайда 80 ‏ - йиллардин башлап, уйғур районида болса 90 ‏ - йиллардин башлап қаттиқ йолға қоюлмақта. Дәсләпки йилларда пиланлиқ туғут хитайда дөләтниң түп сиясити сүпитидә иҗра қилинған болса, 2002 ‏ - йилдин башлап қанунлаштурулған. Хитайниң пиланлиқ туғут қанунида, пиландин артуқ һамилини аилиләрниң ихтияри билән еливетишкә болидиғанлиқи әмма мәҗбурий еливетишкә болмайдиғанлиқи бәлгиләнгән.

Мана бу бәлгилимә сәвәблик бирләшкән дөләтләр тәшкилати хитайға нопус сүпитини өстүрүш пилани буйичә ярдәм пул аҗратқан вә хитайниң бу ярдәм пулни пиланлиқ туғутни йолға қоюш җәрянида ана - балиларниң саламәтликини қоғдаш үчүн ишлитишини шәрт қилған.

Мана әһвални нәзәрдә тутқан Christopher Smith наразилиқ баянатида мундақ дәйду: "мәҗбурий бала чүшүрүштин ибарәт бу вәһшиянә һәрикәт хитайда йеңи вәқә әмәс; әмма хитай мәркизи һөкүмити бүгүнгә қәдәр бу хил әһвалларни инкар қилип кәлгән. Бу қетимқи опиратсийә хитайниң бу җәһәттики сахтипәзликини, болупму бирләшкән дөләтләр тәшкилати тәрипидин хитайға бериливатқан нопус сүпитини өстүрүш ярдиминиң қандақ орунға ишлитиливатқанлиқини дуня җамаәтчиликигә ашкарилайду."

Christopher Smith Баянатини мундақ ахирлаштуриду: " америка һөкүмити вә инсан һәқлири тәшкилатлири арзугүлниң әһвалини һәм униң аилә - тавабатиниң әһвалини давамлиқ көзитип маңиду."

Арзугүл турсунниң әһвали бүгүн хәлқара мәтбуатларда кәң орун алди. Америкида чиқидиған Mcclatchy гезитиниң бейҗиңда турушлуқ мухбири бүгүн су дәрваза дохтурханисиға телефон қилип әһвал игилигән, арзугүл аилиси мухбирға өзлириниң дохтурханиға мәҗбурий елип келингәнликини вә тохтамға мәҗбурий қол қойғанлиқини билдүргән.

Мухбир сестиралардин әһвал игилигәндә сестралар әслидә бала чүшүрүш оператсийисиниң пәйшәнбә күни елип берилиши керәкликини, лекин хәлқарадин кәлгән телефонлар сәвәблик оператсийини дүшәнбигә кечиктүргәнликини билдүргән.

Арзугүл турсун вә униң һамилисиниң әһвалиға хәлқара җамаәтниң диққәт ‏ - етибари күндин ‏ - күнгә ашмақта. Әмма йәрлик даириләр өз һоқуқ вә мәнпәәтини қоғдаш үчүн бала чүшүрүш опиратсийисидә давамлиқ чиң турмақта.

Бу әһвалға, арзугүл турсунни дохтурханиға оз қоли билән апарған булақ кәнт партийә ячейка секритари рәшидәму пикрини баян қилди.

Һөрмәтлик оқурмәнләр, арзугүл турсунниң әһвали һәққидә кейинки программилиримизда давамлиқ мәлумат беримиз.



Пикирләр (0)
Share
Толуқ бәт