Вәтән ичидики бир радио аңлиғучиниң инкаси‏: ' 4 - авғуст сәмән йоли вәқәси уйғурларниң ғорурини көтүрди'

Вәтән ичидә туруп мәлумат йоллиған бу инкасчи киши, уйғур яшлириниң роһ һалити һәққидә алаһидә тохталди. Униң қаришичә, нөвәттә уйғур яшлири өзлири дуч келиватқан зулум вә һәқсизлиқтин омумйүзлүк шикайәтчи, әмма бу реаллиққа тутиватқан позитсийиси охшаш әмәс.
Мухбиримиз шөһрәт һошур
2008.11.03
Qeshqer-uyg-eskerler-matem-305 4 - Авғуст күнидики һуҗумда өлтүрүлгән 16 хитай қораллиқ сақчи хадимлириниң матәм мурасимға қатнишиватқан уйғур әскәрләр қоллирида матәм лозункиси тутуп турушқан көрүнүш. 2000 Ға йеқин уйғурларму матәм мурасимиға қатнашқан болуп, бир нәччә кишиләр AFP мухбириға өзлириниң матәмгә буйруқ билән қатнишиватқанлиқини ейтқан.
AFP Photo

Бу инкасчи киши йәнә: " бир қисимлири реаллиқтин қечиш позитсийисини тутиватиду, зәһәрлик чекимлик чекиш вә кәйпи - сапаға берилиш мана буниң ипадиси. Йәнә бир қисми, бәдили немә болса болсун реаллиққа исян көтүрүватиду, 4 ‏ - авғуст сәмән йоли вәқәси буниң бир мисали, әмма көп қисми болса сүкүт вә күтүш позитсийиси тутиватиду," диди.

Бу инкасчи киши, 4 - авғуст сәмән йоли вәқәси һәққидә тохталғанда, вәқәни, "уйғурларниң ғорурини көтүргән вәқә," дәп билдүрди.

Юқиридики аваз улинишидин, бу инкасчи кишиниң бу һәқтики баянлириниң тәпсилатини аңлайсиләр.



Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.