بۇنىڭغا دوختۇرخانىدىن قېچىش ۋە ساقچىلار تەرىپىدىن تۇتۇلۇش جەريانىدىكى ئەنسىزچىلىك سەۋەپ بولغان. ئارىدىن 10 كۈن ئۆتكەندە سالامەتلىكى بىراز ياخشىلانغان.
ئارزۇگۈل دوختۇرخانىدىن قويۇۋېتىلگەندىن كېيىن، دەسلەپكى بىرقانچە كۈندە ئائىلە - تاۋاباتى ساقچىلارنىڭ ئاۋارىچىلىقىغا ئۇچرىغان. بولۇپمۇ ئۇنىڭ دادىسى تۇرسۇن ھەسەن بىلەن ئىنىسى ھېيتەم تۇرسۇن ئارقا - ئارقىدىن سوراققا تارتىلغان.
سوراق جەريانىدا ئۇلار ئۆزلىرىنىڭ خاتا ئىش قىلمىغانلىقىنى، پەقەت بىر جاننى قۇتقۇزۇش ئۈچۈن ھەركەت قىلغانلىقىنى بىلدۈرگەن. ساقچىلار چەكتىن ئاشۇرۇپ قوپاللىق قىلغاندا قارشىلىق بىلدۈرگەن.
تۇرسۇنجان ھەسەننىڭ 8 بالىسى بولۇپ ، بۇلاردىن 4 نەپىرى پىلاندىن سىرت تۇغۇلغان. پىلانلىق تۇغۇتقا خىلاپلىق قىلغانلىقى سەۋەپلىك يېزىلىق ھۆكۈمەت ئۇنى تۈرلۈك ياردەم ۋە نەپىقىلەردىن مەھرۇم قالدۇرۇپ كەلگەن.
تۇرسۇنجان ھەسەن قىزى ئارزۇگۈلنىڭ ئىشىنى ئوڭۇشلۇق پۈتتۈرگەندىن كېيىن، نۆۋەتتە ئۇ ئۆزى بەھرىمان بولۇشقا تېگىشلىك ھەق - ھوقۇقلىرىنى سۈرۈشتە قىلماقتا.
يۇقىرىدىكى ئاۋاز ئۇلىنىشىدىن، مۇخبىرىمىز شۆھرەت ھوشۇرنىڭ بۇ ھەقتىكى مەلۇماتىنىڭ تەپسىلاتىنى ئاڭلايسىز.