Австралийидә 5 - феврал барин инқилабиниң 22 йиллиқини хатириләш йеғини ичилди

Шәрқий түркистан австралийә җәмийитиниң орунлаштуруши билән 4-айниң 5-күни австралийиниң адилайд шәһиридә 5-апрел барин инқилабиниң 22 йиллиқини хатириләш вә шеһитләр роһиға атап дуа қилиш сөһбәт паалийити өткүзүлди.
Ихтияри мухбиримиз абидә
2012-04-06
Share
australia-barin-305.png Австралийидә 5 - феврал барин инқилабиниң 22 йиллиқини хатириләш йеғинидин бир көрүнүш
RFA/Abida
Сөһбәт паалийити аввал йүсүп қариминиң шеһитләргә атап қилған қуран тилавити билән башланди. Йиғинда шәрқий түркистан австралийә җәмийитиниң рәиси абдулғафур мөмин әпәнди, шәрқий түркистан җәмийитиниң пәхри рәиси әхмәт игәмбәрди әпәнди вә башқа йиғинға қатнашқучилар сөзгә чиқип барин инқилабиниң арқа көрүнүши, әһмийити вә тәсири һәққидә сөз қилди. Улар өз сөзлиридә бүгүнки күндә дуняниң һәр қайси йәрлиридә яшаватқан шәрқий түркистанлиқ қериндашларниңму бу күнни хатириләватқанлиқини, мушу күнниң ибрәтлирини вә тәсирлирини өз әвладлиримизға йәткүзүватқанлиқини, бизниң бу күнни немә үчүн хатирләйдиғанлиқимизни сөзләп өтти.

Шәрқий түркистан австралийә җәмийитиниң рәиси абдулғафур мөмин әпәнди бу һәқтә сөзләп мундақ деди:
-Әқил билән ойлайли. Олтурған-қопқан вақитлиримизда, йиғилған вақитлиримизда бир - биримизни әскәртәйли, әслитип турайли. Өзимизгә әскәртәйли, җимҗит хиял сүргән вақитларда. Аллаһ һәммимизни вәтәнпәрвәрлик, милләтсөйәрлик, иман, етиқад, шу вәтинимизни қоғдайдиған роһ, шу вәтинимиздики шеһитләрниң, пидаийларниң, қериндашлиримизниң иш-излирини, җасарәтлирини көккә көтүридиған, давамлиқ әсләп туридиған, әнә шундақ хизмәт қилишқа давамлиқ тәйяр туридиғанлардин қилсун. Һәммиңларға рәһмәт.

Йиғинға қатнашқучилар өз тәсиратлирини баян қилип бу вәқә уйғур миллити үчүн зор бир йоқитиш болсиму, әмма күрәшниң өлмәйдиғанлиқини, барин инқилабиниң шәрқий түркистанлиқларниң қәлбидә мустәқиллиққа болған ишәнчни ашурғанлиқини ейтишти. Бу қетимқи хатириләш сөһбәт йиғини көпчиликниң шеһитләргә вә шундақла вәтәндә хитай зулуми астида қийниливатқан қериндашлириға дуа қилиши билән ахирлашти.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт