Awstraliyide 5 - féwral barin inqilabining 22 yilliqini xatirilesh yéghini ichildi

Sherqiy türkistan awstraliye jem'iyitining orunlashturushi bilen 4-ayning 5-küni awstraliyining adilayd shehiride 5-aprél barin inqilabining 22 yilliqini xatirilesh we shéhitler rohigha atap du'a qilish söhbet pa'aliyiti ötküzüldi.
Ixtiyari muxbirimiz abide
2012.04.06
Share on WhatsApp
Share on WhatsApp
australia-barin-305.png Awstraliyide 5 - féwral barin inqilabining 22 yilliqini xatirilesh yéghinidin bir körünüsh
RFA/Abida
Söhbet pa'aliyiti awwal yüsüp qarimining shéhitlerge atap qilghan qur'an tilawiti bilen bashlandi. Yighinda sherqiy türkistan awstraliye jem'iyitining re'isi abdulghafur mömin ependi, sherqiy türkistan jem'iyitining pexri re'isi exmet igemberdi ependi we bashqa yighin'gha qatnashquchilar sözge chiqip barin inqilabining arqa körünüshi, ehmiyiti we tesiri heqqide söz qildi. Ular öz sözliride bügünki künde dunyaning her qaysi yerliride yashawatqan sherqiy türkistanliq qérindashlarningmu bu künni xatirilewatqanliqini, mushu künning ibretlirini we tesirlirini öz ewladlirimizgha yetküzüwatqanliqini, bizning bu künni néme üchün xatirleydighanliqimizni sözlep ötti.

Sherqiy türkistan awstraliye jem'iyitining re'isi abdulghafur mömin ependi bu heqte sözlep mundaq dédi:
-Eqil bilen oylayli. Olturghan-qopqan waqitlirimizda, yighilghan waqitlirimizda bir - birimizni eskerteyli, eslitip turayli. Özimizge eskerteyli, jimjit xiyal sürgen waqitlarda. Allah hemmimizni wetenperwerlik, milletsöyerlik, iman, étiqad, shu wetinimizni qoghdaydighan roh, shu wetinimizdiki shéhitlerning, pida'iylarning, qérindashlirimizning ish-izlirini, jasaretlirini kökke kötüridighan, dawamliq eslep turidighan, ene shundaq xizmet qilishqa dawamliq teyyar turidighanlardin qilsun. Hemminglargha rehmet.

Yighin'gha qatnashquchilar öz tesiratlirini bayan qilip bu weqe Uyghur milliti üchün zor bir yoqitish bolsimu, emma küreshning ölmeydighanliqini, barin inqilabining sherqiy türkistanliqlarning qelbide musteqilliqqa bolghan ishenchni ashurghanliqini éytishti. Bu qétimqi xatirilesh söhbet yighini köpchilikning shéhitlerge we shundaqla wetende xitay zulumi astida qiyniliwatqan qérindashlirigha du'a qilishi bilen axirlashti.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.