Awstraliye Uyghur mektipi tenterbiye küni ötküzdi

Jenubiy awstraliye Uyghur tili mektipining orunlashturushi bilen tunji qétimliq tenterbiye küni 9-ayning 22-küni adilaydi shehiridiki oykdin baghchisida ötküzüldi.
Ixtiyariy muxbirimiz abide
2012.09.24
Share on WhatsApp
Share on WhatsApp
awstraliye-uyghur-mektep-305.jpg Awstraliye Uyghur mektipidiki kichik dostlar. 2012-Yili 22-séntebir.
RFA/Abide

Bu qétimqi pa'aliyet oqutquchi we ata-anilarning yétekchilikide Uyghur en'eniwi oyunlirini dersxana sirtida ögitish üchün orunlashturulghan bir pa'aliyet bolup, pa'aliyette oghullarning chilishish oyuni, arghamcha tartish, tepküch tépish, qara-qara qushlirim, qolyaghliq tashlash, aq térek-kök térek oyuni we bashqa oyunlar balilarning yéshigha asasen herxil guruppilargha bölüp élip bérildi. Ata-anilarning qizghinliqi, oqutquchi-oqughuchilarning birliki pa'aliyet keypiyatini téximu yuqiri pellige kötürdi.

Jenubiy awstraliye Uyghur tili mektipining orunlashturushi bilen tunji qétimliq tenterbiye küni ötküzüldi. 2012-Yili 22-séntebir, awstraliye.
Jenubiy awstraliye Uyghur tili mektipining orunlashturushi bilen tunji qétimliq tenterbiye küni ötküzüldi. 2012-Yili 22-séntebir, awstraliye.
RFA/Abide

Pa'aliyetke qatnashqan ata-anilardin biri bügünki bu pa'aliyet heqqidiki tesirati we köngül sözlirini izhar qildi.

Awstraliyide tughulup chong bolghan, Uyghur tili mektep oqughuchiliri öz xushalliqlirini bayan qildi.

Wetendin kelginige emdila üch ay bolghan bir oqughuchi qiz ziyaritimizni qobul qilip özning bügünki bu pa'aliyetke qatniship intayin xushal bolghanliqi, xitayning bésimi astida Uyghurlarning til, medeniyet we en'eniwi oyunlirining yoqilish girdabigha barghanliqi heqqide hem bügünki pa'aliyetning ehmiyiti toghrisida toxtilip ötti.

Pa'aliyet etigen sa'et 10 din chüshtin kiyin sa'et 3 kéche dawamlashqan bolup, waqit munasiwiti bilen orunlashturulghan türlerning hemmisini qilip bolalmighan bolsimu, bashtin-axir intayin janliq hem qizghin keypiyatta ilip bérildi. Pa'aliyetke qatnashqan barliq oqughuchi we ata-anilar mushundaq pa'aliyetlerni köplep ilip bérish we bundin kéyinki pa'aliyetlerni téximu yaxshilash heqqide özlirining teklip-pikirlirini berdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.