Sédnéy shehiridiki Uyghurlar sherqi türkistan Uyghur aliy kéngishi heqqide melumatqa érishti

Merkizi sédnéy shehiridiki awstraliye Uyghur jem'iyiti sédnéydiki Uyghurlarni sherqi türkistan Uyghur aliy kéngishi heqqide melumatlargha ige qilish üchün pa'aliyet orunlashturdi.
Ixtiyariy muxbirimiz bextiyar
2011.05.30
mehmet-gulmire-305.jpg Mehemmet chalapchi ependi we uning xanimi. 2011-Yili féwral.
RFA/Bextiyar

5-Ayning 29-küni uyushturulghan bu pa'aliyette aliy kéngeshke awstraliye Uyghur jem'iyitidin wekil bolup barghan gülmire zunun xanim we muhemmet chalapchi ependi kéngeshning rohini yetküzdi we uz tesiratlirini pa'aliyet ishtirakchiliri bilen ortaqlashti.

Gülmire xanim kéngesh heqqide qisqiche melumat bergendin kiyin, uz tesiratlirini mundaq bayan qildi: men bundaq bir yighin'gha qatnashqanliqimdin özümni cheksiz bextlik hés qilimen, bu yighin arqiliq milliy azadliq herikitimizning zor tereqqiyatini kördüm, musteqil bolalaydighanliqimizgha ishenchim ashti we ishendim. Men bu yighinni del waqtida échilghan intayin muweppeqiyetlik, ehmiyetlik yighin boldi dep qaraymen. Eger biz eng iqtidarliq, eng pidakar milliy pa'aliyetchilirimiz toplan'ghan dunya Uyghur qurultiyidek organni chongqur tonup yitip, uni héqiqi we semimiy qollap we egiship , her birimiz üzimiz turuwatqan jayda Uyghurluq burchimizni ada qilip, her jehettin pidakarliq körsetsek, milliy rehbirimiz rabiye qadir xanim éytqinidek, yéqin kelgüside musteqilliqimizgha érishidighanliqimizgha ishinimen.

Gülmire xanim dunya Uyghur qurultiyining re'isi, Uyghurlarning meniwi anisi rabiye qadir xanimning awstraliyidiki wetendashlirining yillardin buyan körsitip kéliwatqan pidakarliqi, zor yardemliri üchün alahide yollighan mektupini oqup berdi.

Aliy kéngeshke qatniship kelgen türk xelqidin bolghan muhemmet chalapchi ependi kéngesh heqqide uz mulahizilirini Uyghur tilida bayan qildi. U sözide Uyghur bolmighan amérikiliq yighin qatnashchilirining doklatliri heqqide alahide toxtaldi hemde Uyghurlar uz- ara ittipaqliqni kücheytipla qalmay, bashqa xelq we milletler bilenmu ittipaqlishishning lazimliqini tewsiye qildi.

Pa'aliyetke riyasetchilik qilghan awstraliye Uyghur jem'iyitining re'isi mehemmet'imin ela ependi kéngesh wekilliri teripidin maqullan'ghan 7 maddiliq qararni köpchilikke yetküzdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.