Awstraliyining adilayd shehiride jumhuriyet bayrimi xatirilendi

Bu pa'aliyetke sherqiy türkistanliqlar we jenubiy awstraliye shtatliq hökümitining wekilliri hemde qarshi partiye wekilliri qatnashti.

Pa'aliyet adilaydtiki Uyghurlarning diniy alimi, imam abdusalam alim ependining qur'an tilawet qilishi bilen bashlandi. Bügünki bu pa'aliyetning méhmanliri bolghan jenubiy awstraliye hökümitining wekili, parlamént ezaliridin maykil etkinsun ependi, toni zepiya ependi, ڧransiz bedڧurd xanim, zowi bedisun xanim qatarliqlar, sherqiy türkistan awstraliye jem'iyitining re'isi abdulghopur mömin ependi shundaqla pexri re'is exmed igemberdi ependiler teklip bilen sözge chiqishti.

Zowi bedisun xanim öz sözide Uyghurlarning awstraliyide qizghin qarshi ilinidighanliqini, dinini we medeni pa'aliyetlirini erkin halda ilip barsa bolidighanliqini shundaqla jenubiy awstraliye xelqige tonushturushini éytti.

Bügünki ötküzülgen pa'aliyet ehmiyiti we tesiri heqqide tiximu iniq melumatlargha érishish üchün sherqiy türkistan awistiraliye jem'iyitining re'isi abdulghopur mömin ependini ziyaret qilduq.

Uyghur tili mektep oqughuchiliri pa'aliyetke qatnashqan tesiratlirini sözlep ötti.

3 Sa'ettin artuq dawamlashqan bu pa'aliyet bashtin - axir intayin janliq, qizghin keypiyatta ilip bérilghan bolup, “Tengritagh aniliri” guruppisidiki xanimlar teyyarlighan oxshighan Uyghur ta'amliri bilen pishuruqliri, jenubiy awstraliye Uyghur tili mektipi oqughuchiliri teyyarlighan rengdar nomurlar hem shundaqla balilar oyunliri pa'aliyet keypiyatini yene bir pelle yuqiri kötürdi.

Pa'aliyet axirda “Tengritagh aniliri guruppisidiki anilar teyyarlighan sangza, maddiy buyumlardin, Uyghur doppiliri, etles sharpilar we shuninggha oxshash bashqa nersiler pa'aliyetke qatnashquchilargha kim'ashti qilip sétildi. Igilishimizche, yighilghan pullar sherqiy türkistan awistiraliye jem'iyitining ishlirigha ishlitilidiken.