"Qarajuldiki jeng" namliq kitap teklimakan Uyghur neshriyati teripidin istanbulda neshir qilindi

• Ixtiyari muxbirimiz erkin tarimnig u heqtiki melumati
• Download story audio

Kitabning muqawisi

Haji abduréshit kérimi yazghan "qarajuldiki jeng" namliq kitap istanbuldiki teklimakan Uyghur neshriyati teripidin neshir qilindi. Bu eser sherqiy turkistan xelq inqilabi partiyisi qeshqer byurosining bash sékrétari merhum qomandan axunop we sepdashlirigha béghishlan'ghan bolup, alte bab, 256 bettin terkip tapqan.

Aptor bu eserde sherqiy turkistan xelq inqilabi partiyisi qeshqer byurosining bash sékrétari axunup we sepdashlirining qeshqerde élip barghan qoralliq qozghilingini teswirligen bolup, 1969-yili 8-ayning 23-kuni atush wilayitining qizilsu nahiyiside yüz bergen.

Kitapning aptori bu weqege qatnashqan kishilerning biri bolup, öz közi bilen körgen weqelerni "qarajuldiki jeng" namliq kitabigha mujesemlendurgen.

Kitabning neshr qilin'ghanliqi munasiwiti bilen, biz kitabning aptori haji abduréshit kérimi ependi we teklimakan Uyghur neshriyatining mes'uli abdujélil turan ependi bilen kitap heqqide söhbet élip barduq.