Белгийидә "ғайиб болуш алдида турған йипәк йолидики бостанлиқ-қәшқәр" дегән темида муһакимә йиғини өткүзүлди

1‏-Айниң 27-күни белгийә пайтәхти берюсселдики явропа парламентиниң ичидә қәшқәр қәдими шәһәр рәстилириниң чеқилиши һәққидә муһакимә йиғини өткүзүлди.
Ихтиярий мухбиримиз әркин тарим
2011-01-27
Share
yawrupa-parlamentide-qeshqer-yighini-305.jpg 2011-Йили 1‏-айниң 27-күни, белгийә пайтәхти берюсселдә "ғайиб болуш алдида турған йипәк йолидики бостанлиқ-қәшқәр" дегән темида муһакимә йиғини өткүзүлди.
RFA/Erkin Tarim

Явропа парламент бинасида ечилған бу йиғинни явропа парламент әзаси фрейда бропоелс ханимниң тәшәббуси билән вакаләтсиз милләт вә хәлқләр тәшкилати һәмдә белгийә уйғур җәмийити бирликтә уюштурған.

"Ғайиб болуш алдида турған йипәк йолидики бостанлиқ-қәшқәр" дегән темидики бу йиғинниң ечилиш нутқини дуня уйғур қурултийи рәиси рабийә қадир ханим қилған.

Хитай һөкүмити 2008‏-йили қәшқәр қәдими шәһәр рәстилирини чеқип, йәрлик аһалиләрни шәһәр сиртиға көчүргән, шәһәр мәркизигә бина селип, хитай көчмәнлирини көчүрүп келишкә башлиған иди. Униңдин кейин дуня уйғур қурултийи вә дунядики бәзи аммиви тәшкилатлар қәшқәрни қоғдап қалайли темисида имза йиғиш паалийәтлири башлатқан иди.

Йиғинға қатнашқучилар нәқ мәйдандин бизгә бәргән мәлуматларға асасланғанда, йиғинда хәлқара тибәт һәрикитиниң явропа ишлириға мәсул әмәлдари винсент мәттен, фламиш дуня мираслири мутәхәссиси сузан хәвербрек ханимлар қандақ қилип қәшқәрниң вәйран қилиниши вә шундақла йоқ болуп кәткән мәдәнийәт һәм қурулуш мираслирини әслигә кәлтүргили болидиғанлиқи һәққидики тәклип‏-пикирлирини оттуриға қойған. Бу йиғин қәшқәр тоғрилиқ дуняда чақирилған тунҗи йиғин болуп, йиғинға явропа парламенти хадимлири, аммиви тәшкилатларниң мәсуллири вә белгийидә яшаватқан уйғурлардин болуп көп санда киши қатнашқан.

Бу йиғинда қандақ мәсилиләрниң музакирә қилинғанлиқини тәпсилий билиш үчүн нәқ мәйданға телефон қилип йиғин әһли билән сөһбәт елип бардуқ.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт