Бакуда `мәхмут қәшқири илмий муһакимә йиғини` өткүзүлгән

Бүгүн йәни 12 - айниң 4 - күни әзәрбәйҗанниң пайтәхти баку шәһридә әзәрбәйҗан язғучилар бирликиниң уюштуруши билән мәхмут қәшқири илмий муһакимә йиғини вә мәхмут қәшқири көргәзмиси өткүзүлгән.
Мухбиримиз әркин тарим
2008.12.05
Mexmut-qeshqiri-yighini-305.jpg Сүрәт, 2008 - йили 10 - айниң 17 - күни түркийиниң шималидики қарадеңиз бойиға җайлашқан ризә вилайитидә мәһмут қәшқириниң туғулғанлиқиниң 1000 - йиллиқи мунасивити билән хәлқаралиқ мәхмут қәшқири илмий муһакимә йиғини ечиливатқан ризә университетиниң лозунка есилған бинаси.
RFA Photo / Erkin Tarim

Йиғинға әзәрбәйҗан миллий пәнләр академийиси тилшунаслиқ иниститути, әдәбият иниститути, қол язмилар иниститути вә фолклор институтидики профессорлар, алимлар қатнашқан. Булардин башқа баку дөләт университети, баку силавян университети, баку педагогика университетиниң оқутқучилириму қатнашқан.

Бу йиғин мәхмут қәшқири туғулғанлиқиниң 1000 - йиллиқиға атап өткүзүлгән болуп, йиғин залиниң йенида мәхмут қәшқири һәққидә бир көргәзмиму ечилған. Бу көргәзмидә түркий тиллар дивани намлиқ әсәрниң онға йеқин тилда тәрҗимиси, мәхмут қәшқири вә түркий тиллар дивани һәққидә йезилған әсәрләр, шундақла мәхмут қәшқириниң қәбрисидин көрүнүшләр көрситилгән.

Әзәрбәйҗан дөләт университети оқутқучиси проф. Др. Рамиз әскәр әпәндиниң бизгә бәргән мәлуматиға қариғанда, бу йиғинда әзәрбәйҗан милли пәнләр академийисиниң башлиқи төвпик һаҗийев, проф. Др. Булутхан хайринов, проф. Др. Роза айвазова, проф. Др. Тәрман гулийев вә башқа алимлар мәхмут қәшқири вә түркий тиллар дивани һәққидә сөз қилған. Кейин әзәрбәйҗанниң даңлиқ сәнәтчилири мәхмут қәшқиригә беғишлап консерт бәргән болуп, бу сәнәт кечиликидә йәнә бәзи тонулған шаирлар мәхмут қәшқиригә атап язған шеирлирини оқуған.

Шуниң билән түркологийиниң қурғучиси бүйүк алим мәхмут қәшқири әзәрбәйҗан алимлири тәрипидин хатириләп өтүлгән. Биз техиму тәпсили мәлумат елиш үчүн түркий тиллар диванини әзәрбәйҗан тилиға тәрҗимә қилған др. Рамиз әскәр әпәнди билән телефон зиярити елип бардуқ.



Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.