Турпан идиқут дөлитигә аит “чөлдики опера” намлиқ тарихий роман түркийидә нәшр қилинди

Түркийә язғучиси мәмәт ләвәнт қая әпәнди язған “чөлдики опера” намлиқ роман истанбулдики “қутупйилдизи” нәшрияти тәрипидин нәшр қилинди.
Ихтиярий мухбиримиз әркин тарим
2012.08.22
Share on WhatsApp
Share on WhatsApp
cholde-opera-uyghurlar-heqqide-roman-305.jpg Түркийидә нәшрдин чиққан “чөлдә опера” намлиқ китабниң муқависи. 2012-Йили авғуст.
RFA/Erkin Tarim

197 Бәттин тәркиб тапқан мәзкур романда идиқут уйғур дөлитиниң язлиқ пайтәхти бәшбалиқ шәһиридә 1020-йилидин 1029-йиллири оттурисида йүз бәргән вәқәләр баян қилинған.

Китабта ашу йилларда яшиған юла исимлик яш қизниң иш излири вә ишқи-муһәббити баян қилинған болуп, буниңдин башқа йәнә бу мәзгилдики уйғур мәдәнийити намаян қилинған.

Романда баян қилинишичә, әртоған исимлик бир бай буддист ламаниң үч оғли арқа арқидин қаза тапқандин кейин, униң юла исимлик бир қизи дуняға көзини ачидикән. Әртоған бир күн ойлап, пүтүн байлиқлирини өзиниң бирла вариси болған қизиға тапшурушни қарар қилидикән.

Юла бир тәрәптин дадисиниң тиҗаритини давамлаштурса йәнә бир тәрәптин тартқан дәрд-әләмлирини азайтиш үчүн өзини опера кәспигә атайдикән. Әмма у ахирида опера кәспиниң ойлиғинидәк асан әмәсликини чүшинип йетидикән.

Язғучи мәмәт ләвәнт қая әпәнди язған “чөлдики опера” намлиқ романниң баш қисмида турпан уйғур дөлити вә бәшбалиқ шәһири һәмдә романдики образлар һәққидә қисқичә мәлумат берилгән. Кейин романдики вәқәләр баян қилинған. Биз роман һәққидә техиму тәпсилий мәлумат елиш үчүн романниң аптори мәмәт ләвәнт қая әпәнди билән сөһбәт елип бардуқ.

Тәпсилатини юқиридики аваз улинишидин аңлиғайсиләр.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.