'Din we hayat ' namliq kitab neshirdin chiqti

" Islamdiki a'ile tüzümi", "islam eqidiliri" we "islam dinidiki namaz" qatarliq Uyghurche diniy eserlerning aptori, misirning dunyagha dangliq eng qedimi bilim yurti ezher uniwérsitétining sheri'et we qanun fakultétini püttürüp bolup, ottura asiyadiki türkiy jumhuriyetlirining biride, bir qanche yil oqutquchiliq qilghandin kéyin, se'udi erebistanda ilmiy ishlar bilen shughullinip kéliwatqan muhemmed yüsüpning "din we hayat (1600so'algha jawab)" namliq esiri, se'udi erebistan medeniyet we teshwiqat ministirlikining testiqlishi bilen se'udi erebistanda neshirdin chiqti.
Muxbirimiz erkin tarim
2010-01-26
Share
Din-we-hayat-kitap-305.jpg Süret, 'din we hayat (1600 soalgha jawab)' namliq kitabning maqawa körünüshi.
RFA Photo / Erkin Tarim

Bu eser til jehettin ammibab, chüshinishlik hem ixcham qilip hazirlan'ghan bolup, jem'iy 7 bölümdin terkip tapqan. Ular  töwendikiche:

Birinchi bölüm : étiqad we uninggha munasiwetlik mesililer
Ikkinchi bölüm: ibadet we uning türliri hem ehkamliri
Üchinchi bölüm: exlaq we uning ehmiyiti
Tötinchi bölüm: muhemmed eleyhissalamning terjimihali
Beshinchi bölüm: mu'amile we uning ehkamliri
Altinchi bölüm: haram we cheklen'gen ishlar
Yettinchi bölüm: islamiy bilimlerdin qisqiche melumat

Eserning birinchi, ikkinchi , üchinchi we tötinchi bölümliri asasen yash - ösmürlerge terbiye bérish nuqtisidin hazirlan'ghanliqtin, so'allarning jawabliri ixcham bolup, ixtilapsiz mesililer tallap élin'ghan. Emma uning beshinchi, altinchi we yettinchi bölümliri omumen chonglargha munasipraq  bolghanliqtin, jawablar bir az kéngeytip bérilgen we mesililerning menbeliri imkan qeder toluq körsitilgen.

Kitabning omumiy bet sani 925 bet bolup, chong hejimlik we qattiq muqawiliq qilip bésilghan.

Aptor mezkur eserning muqeddimiside, bu eserni tonushturup mundaq dep yazghan: "bu eserni hazirlash ishi uzun muddetlik qiyin we japaliq emgek boldi. Bu eserning omumgha menpe'etlik, chüshinishlik we toluq bir eser bolup chiqishi üchün iqtidarimning yétishiche tirishtim, kitabimni eng ilghar we omumiy musulmanlar arisida birlikke kélin'gen, ixtilapsiz pikirler bilen béyittim. Dostlirimning, kesibdashlirimning pikirlirini aldim we axirqi nusxini ular körüp chiqqandin kéyin muqimlashturdum. Bu kitabni közdin kechürüp chiqip békitish ishini se'udi erebistanning her qaysi aliy bilim yurtlirida, pakistan islam uniwérsitétlirida, shundaqla misir ezher aliy bilim yurtida ilim tehsil qilip, yuqirisi dokturluqtin bashlap töwini baklawirliq unwanlirini alghan yash alimlar üstige alghan idi. Bu eserning her bir Uyghur a'iliside bir nusxidin bolushini ümid qilimen."

Biz bu eser heqqide  islam dini ilim ehliliridin jélil turan we köp sanda diniy eserni terjime qilghan zhurnalist azat bughra ependiler öz köz qarashlirini bayan qildi.

Yuqiridiki awaz ulinishidin, bu heqtiki melumatimizning tepsilatini anglaysiler.

Anonymous says:
Jan 27, 2010 12:19 AM

kandak usulda bu kitapni setiwalgili bolidu ?

Anonymous says:
Jan 27, 2010 03:21 PM

BU KITABNI NARDIN SETIWALGILI BOLIDU?

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet