Xitaylar néme üchün saqal bilen hijabtin qorqidu?

Melumki, erlerning yarishimliq shekilde saqal qoyushi we ayallarning béshini yögep hijablinishi musulmanlargha xas kiyinish en'enisi bolup, saqal qoyush peyghember eleyhissalamning sünniti, hijab qur'an kerimde musulman ayallargha belgilen'gen perzdur.
Ixtiyariy muxbirimiz ömerjan
2013-02-13
Share
poskam-romal-saqal-checklesh-305.jpg Poskam nahiyisdiki romalliq ayallar we saqalliq erlerning idare olturaq jaylirigha kirishini cheklesh uqturushi
RFA/Omerjan


Mundaq bolghan iken, musulmanlarning musulmanche kiyinishi we musulmanche yürüshi dinning emri we ularning tebi'iy heqqidur. Shunga musulmanlar dunyaning qaysibir yéride bolmisun, özlirining bu tebi'iy heqqidin behrimen bolushqa tégishlik. Musulmanlarning bu tebi'iy heqqi amérika we yawropagha oxshighan xelqining köp sanliqi musulman emes döletlerdimu qoghdilip kéliwatqan bu esirde, ahalisi musulmanlardin teshkil tapqan Uyghur élide musulmanlarning diniy telim élishi cheklen'gendek, ularning diniy kiyinishimu yerlik hökümet tereptin cheklenmekte.

Bir Uyghur hajimning éytqanliri

Se'udi erebistanigha ömre qilish üchün kelgen Uyghurlardin nurghunliri Uyghur élining her qaysi sheherliride, musulmanlarning diniy kiyinishige, balilarning diniy telim élishigha qarshi qattiq qol siyaset yürgüzülüwatqanliqini sözlimekte. Se'udi erebistanigha kelgen Uyghurlardin ismini atashni xalimighan bir hajim mundaq dédi:

- Hazir bizning yurtta doxturxanilargha, qatnash béketlirige, idare we ahaliler olturaqlashqan rayonlargha saqal qoyghan yaki jilbab kiyiwalghanlarning kirishi cheklen'gen we bu heqtiki "Alahide uxturush"lar herbir doqmushqa chaplinip ketti. Men bilidighan bir qanche késel ayalni nahiyimizdiki doxturxanigha qobul qilmidi. Ularning axiri shexsiy doxturlargha we tiwiplargha körünüsh üchün barghanliqini anglidim. Saqchilar éri bilen kétip barghan bir qoshnimizni bazarda "Yüzüngni achisen" dep yüzini échishqa zorlighan. Éri arilashqanliqi seweblik u ayalni we érini birge saqchigha qarshi chiqti dégen bahane bilen tutup solap qoyghan.

Bu hajimning bildürüshiche, Uyghur élining her qaysi sheher, bazarlirigha kirgen ropach ayallarning yüzini échiwétish we ularni xalighanche tutup solash weqeliri künde dégüdek bolup turidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet